Владата „енергично и во целост“ во петокот ги отфрли обвинувањата, и како што оценува дезинформациита и манипулациите искажани во соопштението од најголемата опозициска партија СДСМ, во врска со наводните постапки за разгледување можности за склучување договори за одбегнување двојно оданочување меѓу Македонија и други земји и субјекти, и посочува дека „легитимна и продуктивна цел“ е да се има интенција за склучување што поголем број ваков вид договори.
 

Претходно во петокот од СДСМ преку писмено соопштениет поставија прашање до привремениот премиер Емил Димитриев дали на последната владина седница наместо да разгледува информации за прочистување на Избирачкиот список и создавање на услови за регуларни и фер избори разгледуваше информација за склучување на Договор за одбегнување на двојно оданочување со островот Џерси.

Инаку островот Џерси во во каналот Ламанш е познат како ткн даночна оаза, и во македонските политички препукувања беше споменива уште во 1990-те

„Прашањето до Димитриев е дали Џерси е првиот даночен рај пред потпишување на официјален договор? И дали откако беа откриени фирмите во Белизе, Џерси треба да биде новата пералница на пари за криминалите на власта?“, прашаа од СДСМ.

„На минатата седница Владата, и тоа како материјал за информирање а не како материјал за одлучување, го разгледуваше процесот на можноста за склучување ваков вид договор со островот Џерси, како што тековно се разгледуваат ваквиот вид можности и за други земји и субјекти од светот, и тоа во функција на градење на економски односи“, се наведува во соопштението на службата за контакти со јавноста при македонската влада.

Од таму потенцираат дека самиот факт што материјалот бил разгледуван на седница на која присуствувале, или имале можност да присуствуваат техничките министри поставени од СДСМ, докажувало дека ништо во врска со оваа точка на дневниот ред не било ниту тајно, ниту, пак, спорно.

„Владата нема донесено одлука за склучување на договор за одбегнување на двојно оданочување со островот Џерси, иако и да донесе таква одлука тоа нема да биде воопшто спорно ниту противзаконски, затоа што островот Џерси има склучено договори за одбегнување на двојно оданочување со Велика Британија, Естонија, Хонгконг, Сингапур, Луксембург и други земји и субјекти во светот“, исткануваат од Владата.

Македонија досега има склучено договори за одбегнување на двојно оданочување со 47 земји и субјекти во светот./крај/мф/ст

Извор: Макфакс