Забава
Телеграма на Ленин продадена за 50 илјади фунти
Телеграма на водачот на Октомвриската советска револуција, Владимир Илич Ленин, со којашто го најавува неговото враќање од Швајцарија во Русија, во средата во Лондон е продадена на наддавање на аукциската куќа Christie’s за 49.875 фунти.
„Телеграмата на Ленин е продадена за 49.875 фунти, што е многу повисоко од нејзината првично проценета вредност од 20 до 30 илјади фунти“, изјави за РИА Новости претставник на аукциската куќа. Телеграмата беше еден од експонатите понудени на надавањето под наслов „Книги и ракописи“.
Во текстот на француски јазик во телеграмата испратена од швајцарскиот град Берн утрото на 6-ти април 1917 година адресирана до францускиот социјалист Анри Жилбо се вели „Ние утре напладне заминуваме во Германија. (Фриц) Платен ќе нé придружува во возот. Ве молиме да дојдете итно. Трошоците ќе ги покриеме ние. Земете го со вас Ромен Ролан, доколку во принцип е согласен. Сторете сé за да ги доведете (Шарл) Нен или (Арно-Пол) Грабер. Фолкхаус. Улјанов“.
Дознавајќи за Февруарската револуција во Русија, Ленин веднаш започнал да го планира своето враќање во Русија од Швајцарија. На Платен му успеало да се договори со министерството за надворешни работи на Германија да го прошверцува низ земјата во запечатен вагон, во кој освен Ленин биле и уште околу триесетина од неговите соработници. Во составот на оваа група на крајот сепак не влегле ниту Жилбо, ниту Ролан, но на 9-ти април 1917 година групата револуционери го напуштила Берн. Една седмица подоцна, Ленин пристигнал на ткн Финска железничка станица во тогашен Петроград (подоцна Ленинград, претходно и сега Санкт Петербург), а шест месеци подоцна започна Октомвриската револуција.
„Патувањето на Ленин во возот од Швајцарија, несомнено, претставува пресвртен момент во неговиот живот и решавачки момент од историјата на XX век“, вели претставникот на аукциската куќа Christie’s.
Историски документ сиве години бил чуван во семејството Жилбо. „Пред неколку години, таа (телеграмата) беше ставена на продажба во Неји-сур-Сен, каде што доби нов сопственик, кој ја продаде сега“, додал претставникот на аукциската куќа./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.