Забава
Изложба на потписите на Сталин, Хитлер и Линколн во Вашингтон
Потписот на Сталин бил енергичен, на Труман читлив, на Черчил поформален, а автограмите на историските личности говорат многу за нивните автори.
Автограмите на споменатите челници на светските сили напишани кон крајот од Втората светска војна на програмата од еден оркестарски концерт на маргините од Постдамската конференција, ќе може да се погледнат од петокот па до јануари до 2015 година во Националната архива во Вашингтон.
Архивот по тој повод од својата збирка извадил повеќе од стотина потписи на познати личности, од првиот американски претседател Џорџ Вашингтон, па до иконата на поп музиката Мајкл Џексон.
Меѓу нив е и документот за склучувањето на бракот меѓу Адолф Хитлер и Евра Браун кој го потпишале на 29-ти април 1945 година, на денот кога го извршиле самоубиството во Берлин. Сведоци им биле другите нацистички челници Јозеф Гебелс и Мартин Борман.
Изложени, меѓу другите, ќе бидат и потписите на поранешниот американски претседател Абрахам Линколн, како и на славната актерка Кетрин Хепберн.
Историска занимливост и е пораката од 1989 година со којашто поранешниот ирачки авторитарен челник Садам Хаусеин му се заблагодарува на тогашниот американски претседател Џорџ В. Буш на добрите желби. Две години подоцна САД го нападна Ирак поради инвазијата врз Кувајт.
Ќе биде изложено, исто така, и автоматското пенкало на сегашниот американски претседател Барак Обама коешто му овозможува да го стави својот потпис на законите и кога се наоѓа далеку од Вашингтон, што е жестоко критизирано од неговите политички противници./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.