Македонија
Анкетната за прислушувањето не ја исполнила својата функција
Анкетната комисија за скандалот со прислушувањето не ја исполнила својата функција поради бојкотот на ВМРО–ДПМНЕ, смета претседателот на комисијата Петре Шилегов, додека Илија Димовски од владејачката ВМРО-ДПМНЕ го повикува да се повика лидерот на опозициската СДСМ, Зоран Заев да сведочи, па макар и на затворена седница.
„На истекот од крајниот рок за работа на Анкетната комисија за скандалот со прислушувањето, сакам да ја известам јавноста дека Анкетната комисија, заради бојкотот и блокадата од страна на ВМРО ДПМНЕ, не успеа да ја исполни својата функција “, рече Шилегов. Шилегов вели дека пред десетина дена дале „последна шанса“, да одржат седница на која јавно ќе биде сослушан претседателот на ВМРО-ДПМНЕ Никола Груевски, кој пред две седмици се повлече од должноста поради распишувањето на предвремените избори, да даде исказ пред целокупната јавност. „Истиот одбра наместо да се соочи со пратениците во Собранието на Република Македонија, да му ги постават прашањата коишто е заинтересирана целокупната јавност, на истиот ден да донесе одлука за незаконско распуштање на Собранието на Република Македонија“, рече Шилегов.Според него, поради тоа може да се заклучи дека оваа точка од договорот од Прижино, нема да може да биде исполнета, бидејќи Анкетната комисија нема да може до крајот на јануари, да достави до Собранието Извештај за својата работа, а тоа покажува дека нема политичка волја кај владејачката партија да се спроведе Договорот од Пржино.„Наместо тоа, денеска ВМРО – ДПМНЕ измислува нова драмолетка за нова Анкетна комисија. СДСМ нема намера да учествува во оваа драма, бидејќи прислушувањето беше една од точките од Пржино, а таа не е исполнета“, рече Шилегов. По Шилегов, прес-конференција одржа и координаторот на пратеничката група на ВМРО – ДПМНЕ Илија Димовски, којшто ги обвини Шилегов и СДСМ дека со суспендирање на Анкетната комисија за прислушувањето креирале причина повеќе за да избегаат од веќе изгласани датуми за избори. Како што вели Димовски, Шилегов и СДСМ работеле за таа да не даде резултат. „Да потсетам, дека следен кој требаше да даде изјава пред Анкетната комисија во момент кога Шилегов ја укина Анкетната комисија, беше токму Зоран Заев. Тој што беше следен да даде изјава е Зоран Заев. Зошто беше суспендирана Анкетната комисија, за да не дојде ситуација пратениците во Собранието на Република Македонија да му постават десетици и десетици прашања на Зоран Заев. Со кого тој соработувал, како ги добил снимките, какви ветувања давал на домашни и меѓународни фактори, која му била целта, колку материјали има, дали се сите предадени, дали не се сите предадени, каде ги чувал во меѓувреме, каде се одвивале средбите со разни фактори за кои што се зборува во јавноста“, рече Димовски.Одговорајќи на новинарско прашање, зошто тогашниот премиер Никола Груевски и останатите сведоци од ВМРО-ДПМНЕ не сведочеле на јавна седница Димовски одговори дека тие играле „конструктивна улога“ и се обидувале да „избегнат драма“. Илија Димовски го повика Петре Шилегов уште утре да го покани Заев, а ВМРО – ДПМНЕ нема проблем тоа да биде на затворена седница на која, како што истакна Димовски, потребни се одговори на повеќе прашања од лидерот на СДСМ./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.