Македонија
ДИК ја намали бројката за теренска проверка на 89.000
Државната изборна комисија, во вторник вечер, најави и одржа седница, на која изгласа место сто илјади гласачи, на терен да се проверуваат 89.383 гласачи, a aдминистративно ќе се проверуваат 107.660 лица.
Како што појаснија, бројот на избирачи за теренска проверка се намалува затоа што при дополнителната проверка, комисијата утврди дека едно лице се појавува како дупликат по повеќе основи и по прочистувањето стигнато е до таа конечна бројка.Останатите ќе се проверуваат административно.Бројката на гласачи за теренска проверка се намалува затоа што во дополнителна проверка, Комисијата утврди дека едно лице се појавува како дупликат по повеќе основи и по прочистувањето стигнато е до конечната бројка.За оние 124 илјади за кои во ДИК се сомневаат дека се во странство, се уште не се знае како ќе се постапи. Се знае дека нема теренски да се проверуваат, но ќе мора да се најде начин за контрола затоа што стравувањата се дека токму преку нив се краделе идентитети и се злоупотребувале нивните имиња во гласачкиот процес.ДИК соопшти и дека 6.795 граѓани пријавиле неправилности во избирачкиот список преку веб апликацијата на Комисијата. Најголем дел од нив, односно 6.018 пријави ќе ги преземат компјутерските експерти на Комисијата и ќе проверуваат дали некои од овие пријави веќе се прикажани со вкрстената проверка, по што ќе биде познато дали и за кои ќе има потреба од теренска проверка, а за кои ќе биде потребна административна проверка.Инаку, во избирачкиот список има вкупно 188.820 гласачи кои е неопходно да се проверат. Во нив влегуваат и овие 89. 383 кои ќе се проверуваат на терен. Претходно Комисија објави дека ќе се проверуваат 100.436 записи од вкрстената и граѓанската проверка преку веб апликацијата./крај/дик/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.