Македонија
Љубе Бошкоски: Спремни сме за изборите
Лидерот на политичката партија „Обединети за Македонија“ и поранешен министер за внатрешни работи, Љубе Бошкоски пред судењето за случајот „Ровер“ изјави дека се подготвени за претстојните парламентарни избори и дека наскоро ќе заземат јасен став за понатамошните чекори на партијата.
„Најверојатно до крајот на овој месец имаме Централно собрание на кое ќе заземеме јасен став за понатамошните чекори околу идни коалиции, блокови. Спремни сме и ги очекуваме праламентарните предвремени избори“, изјави Бошкоски.Тој повтори дека за случајот „Ровер“ , односно за неговата наводна вмешаност во убиството на Марјан Тушевски и Киро Јанев од 2001 година, очекува ослободителна пресуда. „Од судењето очекувам, како и од самиот почеток, ослободителна пресуда иако е сега почеток во овој трет круг на дантевиот пекол“, рече Бошкоски.Ова е трето судење за случјаот „Ровер“, откако Апелациниот суд два пати ја врати на повторно одлучување провстепената пресуда на Основниот суд Скопје 1.Бошкоски како поранешен министер за внатрешни работи беше осуден на затворска казна од 12 години, но пресудата беше укината и неговата казна беше намалена на 10 години. И оваа пресуда ја укина Апелациониот суд и судењето за овој случај треба да почне по третпат, но постојано се одложува.Апелациониот суд го укина притворот и за сите обвинети и сите се бранат од слобода. На ова судско рочиште не беше присутен обвинетиот, Ивица Ристиќ кој во неделата бил примен во болница во Куманово. Бошкоски пред извесно време излезе од затвор откако ја одлежа петгодишната затворска казна за случајот „Кампања“, за кој првично беше осуден на седум години затвор, но Апелација ја намали казната на пет години. За овој случај беше уапсен по победата на ВМРО-ДПМНЕ на изборите во јуни 2011 година. Неговата партија учествуваше на тогашните избори, а на изброната кампања упати остри критики кон тогашната власт, која повторно освои најмногу гласови. Беше уапсен за нелегално финансирање на изборната кампања.
Предвремените парламентарни избори во Македонија се закажани за на 11 декември, поред договорот на политичките партии, и со овие избори се очекува да биде надмината политичката криза./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Системот за видеонадзор на сообраќајниците „Безбеден град“ е поставен во Скопје, Куманово и Тетово
Министерот за внатрешни работи Панче Тошковски денес оствари работна средба на Единицата за оперативно-технички работи при Бирото за јавна безбедност во чија надлежност е системот за видеонадзор на сообраќајниците познат како “Безбеден град“.
Во рамки на посетата министерот беше запознаен со работата на оваа организациска единица, тековните активности и проблеми од делокругот на нивната работа.
„Во тој контекст беше истакнато дека во моментот ваков систем е поставен само во Скопје, Куманово и Тетово, има недостаток на покриеност на многу значајни крстосници, а голем дел од камерите и опремата која се користи во овој систем е технички застарена, а дел и неисправна. Исто така бев информиран за наградбата на системот која е во тек, а која опфаќа замена на постојните камери со нови и проширување на системот со нови камери на точки кои досега не беа покриени. Водено, во фаза на тестирање е системот за автоматско евидентирање на сообраќајни прекршоци за чие целосно ставање во функција потребно е да се направат и соодветни законски измени“, издвои министерот Тошковски од средбата и додаде:
Во иднина треба во континуитет да се инвестира во овој дел, да се прошири и во другите градови низ државата, како и да се распредели дополнителен кадар со цел оваа организациска единица да работи непречено во текот на 24 часа, бидејќи е од круцијално значење за обезбедување на поволна безбедносна состојба.
Македонија
24 Мај – Денот на сесловенските просветители свети Кирил и Методиј е неработен ден за сите граѓани
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 24 мај 2024 година (петок), Св. Кирил и Методиј – Денот на сесловенските просветители – е неработен ден за сите граѓани на Република Северна Македонија.
Министерството за труд и социјална политика на сите граѓани во Република Северна Македонија им го честита празникот Св. Кирил и Методиј – Денот на сесловенските просветители.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.