Од дргуата недела, премиерот Нiкола Груевски најави полицајци од други земји, како Србија, Унгарија, Хрватска, да им се придружат на македонските полицајци на границата со Грција, да им помогнат во спроведувањето и приемот на нови мигранти.

„Изминативе десетина дена разговарав со повеќе мои колеги премиери од земјите кои се потенцијално загрозени од економските мигранти – Србија, Унгарија, Хрватска, Словенија… Зборувавме тие да испратат полициски сили кои ќе се придружат на нашите полицајци, од нашата страна на границата, со цел заедно да се справуваме со предизвиците. Добивме позитивни одговори од голем број од нив, па очекувам во текот на следната недела да почнат да доаѓаат првите полициски сили“, рече во петок премиерот Никола Груевски, по пуштањето во употреба на нов компјутерски томограф.Тој рече и дека постои комуникација со Владата на Грција, но, за жал, таа била  на пониско ниво. Очекува со доаѓањето на силите на Фронтекс на грчка територија да се стави ред во мигрантската криза, а македонските безбедносни сили да имаат помалку непријатности во чувањето на границата.„Добро е што доаѓа Фронтекс. Тоа подолго време го баравме и инстистиравме на нивно доаѓање од страна на грчката граница за да се зајакне обезбедувањето од таа страна, бидејќи обезбедувањето, долг период, беше речиси никакво. Немаше обезбедување и беше оставено на нас, на нашата полиција. Долго време апелиравме до Брисел и до поединечните главни градови да се најде начин, најпрво да се побара од страна на Грција, бидејќи таа не поднесуваше барање за да се испратат сили на Фронтекс кои ќе им помогнат на нашите полицајци да имаат помалку непријатности“, рече Груевски.  Како што појасни, ветената помош од Брисел е реализирана со само околу 90 илјади евра, додека пак, според негова проценка, мигратнската криза до сега Македонија ја чини повеќе од 10 милиони евра./крај/мф