И во понеделникот вечерта продолжија протесните поворки на движењето Протестирам во ткн „Шарена револуција“ кое ги повтори своите барања од импровизираната говорница пред Собранието за укинување на аболицијата од страна на Претседателот Ѓорге Иванов за 56-те политичари и други функционери од процеси кои може да произлезат од прислушуваните телефонски разговори.

Веќе традиционално собирот започна во 18 часот пред просториите на Специјалното јавно обвинителство по што приврзаниците на движењето Протестирам и на опозицијата ја започнаа вообичаената поворка низ центарот на Скопје овојпат под мотото „Не за криминалот! Не за аболиција!“, што беше истакнато на големиот транспарент носен на чело на поворката.

Демонстрантите носеа носеа и кукли со ликовите на поранешна министерка за внатрешни работи Гордана Јанкулоска, и поранешниот челник на управата за државна безбедност и контраразузнавање Сашо Мијалков, и поранешниот шеф на кабинетот на премиерот Мартин Протуѓер, кои беа ставени во импровизирани затворски келии.

Во понеделникот со пораката дека „народот е разбуден“ на демонстрантите им се обратија Мите Митев, од Демократскиот сојуз на Власите, Бојан Маричиќ од невладината МЦЕО објаснувајќи го ставот за поништувањето на аболицијата, Замир Мемети за кого „Шарената револуција“ е „гласот на разумот“

„Ве плаши ова историско будење на Македонија. Криминалците во затвор“, му порача Мемети на министерот за внатрешни работи Митко Чавков.

Демонстрантите и овојпат со балони со боја гаѓаа кон зградата на Владата и кон Собранието./крај/мф/бб

Извор: Макфакс