Забава
Убер воведе хеликоптерско такси во Сао Паоло
Американската транспортна компанија Убер, почна градски хеликоптерски превоз во Сао Паоло, најголемиот град во Бразил.
Директорот за комуникации на Убер во Бразил, во вторник рече дека почнале со едномесечен пробен период на службата Уберкоптер, која нуди превоз на патници меѓу аеродромот, хотелите и конференциските центри.Фабио Саба вели дека хеликоптерите летаат од пет места и од четири хотели.Саба рече и дека ова е единствен таков сервис на Убер во светот.Убер, порано, превоз со хеликоптер нудеше за Канскиот фестивал, во Франција и за Фестивалот Санденс во Јута, САД.Вели дека Уберкоптер е во партнерство со групата Ербас, и дека во Сао Паоло користи три хеликоптерски оператори.Цената на возењето со хеликоптер е од 17 до 80 долари по човек. Сао Паоло, град со повеќе од 11 милиони жители, е најголем не само во Бразил, туку и во цела Латинска Америка и на јужната земјина хемисфера. Тој е финансиски центар, со најголем бруто-домашен приход јужно од екваторот, познат по непредвидливото време, големата флота хеликоптери и по жестокиот сообраќаен метеж.„Убер технолоџис инк“ е американска мултинационална компанија со онлајн транспортна мрежа, која развива, изнесува на пазар и управува со апликацијата за мобилни телефони Убер.Таа апликација им овозможува на корисниците со паметни телефони да пратат барање за превоз кој се пренесува на возачите на Убер кои користат сопствени возила.Услугата е достапна во 449 градови во 66 земји во светот./крај/к/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Леонардо ди Каприо откри кој му е омилен актер на сите времиња
Леонардо ди Каприо, кој во кариера долга повеќе од три децении соработувал со бројни филмски легенди, изјави дека неговиот омилен актер на сите времиња е Роберт де Ниро.
Ди Каприо првпат работел со Де Ниро како тинејџер во драмата „Животот на момчето“, каде што актерот бил лично избран од Де Ниро, што ја означило почетната точка на неговата кариера. Ди Каприо се сеќава дека имал 15 години и дека снимањето било пресвртно искуство: „Да се гледа неговата посветеност на сет беше едно од највлијателните искуства во мојот живот“, изјавил тој за „Тајм аут“.
Де Ниро и Ди Каприо важат за актери најтесно поврзани со Скорсезе – Де Ниро има снимано 10 филмови, а Ди Каприо шест со него.
Забава
Трајна забрана за приближување за сопругот на Дениз Ричардс по обвинувања за злоупотреба
Дениз Ричардс изјави дека се чувствува добро откако судот одобрил трајна забрана за приближување за нејзиниот отуѓен сопруг, со важност до 7 ноември 2030 година. Забраната опфаќа приближување на помалку од 90 метри до актерката и нејзиното работно место, како и целосна забрана за контакт.
Ричардс настанот го прокоментирала на „Браво Кон“, наведувајќи дека процесот е тежок и дека има силна поддршка. Таа оценила дека е многу застрашувачки да се минува низ развод во јавност и дека во реалити-програмите приватниот живот е целосно изложен.
Актерката во јули поднела барање за развод, обвинувајќи го својот сопруг Арон Фајперс за често и насилно злоупотребување. Фајперс ги негира обвинувањата и по судската одлука изјавил дека сакал пресудата да биде поинаква.
Во октомври, за време на сослушување за продолжување на привремената мерка, сведочела и неговата братучетка Кетлин Мекалистер, по што Фајперс бил уапсен во судницата. Минатиот месец против него биле подигнати обвиненија за нанесување телесни повреди на сопружник и за попречување на сведоци со сила или закана. Тој бил пуштен на слобода по уплата на кауција од 200.000 долари.
Фајперс, пак, возвратно ја обвинил Ричардс за неверство и вознемирување – обвинувања што актерката ги демантира. Постапката за развод сè уште трае.
Забава
Пијана баба ја возела внуката на мопед – полицијата во Белгија во неверување по признанието колку пијачки испила
Локалната полиција на округот Ривиеренланд на север од Белгија запрела вкупно 994 возачи, вклучувајќи и неименувана баба, за време на контролите на сообраќајот за алкохол и дрога.
Властите објавуваат дека жената ја возела на мопед својата 9-годишна внука и дека нивото на алкохол во крвта ѝ било утврдено на 1,49 промили.
Бабата признала дека испила четири чаши џин-кола, а полицијата ѝ ја одзела возачката дозвола на 15 дена, објави белгискиот јавен сервис „ВРТ“.
Фото: илустрација

