Македонија
Инспекцијата не нашла стиропор во ниедна торта во познатата скопска слаткарница

Ниту во една торта не бил најден стиропор кој се користел како репроматеријал во производството на торти во познатата скопска слаткарница, констатирале од Агенцијата за храна и ветеринарство по извршениот инспекциски надзор откако родител поднесе претставка дека неговото дете се гушело од стиропор во торта во слаткарницата.
„Од страна на инспекциските служби ниту по направената контрола на готови торти кои имаат фигури на површината, не се најдени отстапувања, односно не е утврдено присуство на стиропор, ниту во тортите, ниту во фигурите. Во дел од тортите, констатирано е дека при производството се користени чепкалки и дрвени стапчиња за прицврстување на фигурите. За нив со контролата е утврдено дека станува збор за материјали кои доаѓаат во контакт со храна за кои се доставени на увид и валидни мислења за материјали кои доаѓаат во контакт со храна, кои се издадени од Агенцијата за храна и ветеринарство“, соопштуваат од Агенцијата.Освен тоа, слаткарницата имала обезбедено и соодветно означување на пакувањето на готовите производи со посебна нотификација „Фигурите на тортите не се за јадење“.Родител од Скопје поднесе претставка до Агенцијата и тврдеше дека неговото дете почнало да се гуши од стиропор во тортата во слаткарницата. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.