Забава
Американците тестираат нова вселенска ракета
Американската приватна компанија Орбитал, која за потребите на НАСА треба да превезе нови залихи на Меѓународната вселенска станица(МВС), во среда вечер ќе изврши пробен лет на ракетата Антарес од новиот космодром во Вирџинија, соопштија американските власти.
Компанијата Орбитал планира да ја лансира 40 метарската ракета Антарес од новоизградената атланска вселенска база сместена во центарот на НАСА, Валопс, на островот Чинкотегу во Вирџинија.
Ракетата вбо орбитата ќе транспортира 3.800 килограми тешка лажна капсула слична на леталото Сигнус, кое ќе дебитира на вториот лет на ракетата и ќе го однесе товарот на МВС.
Конкуретската компанија Спејс Икс од Калифорнија, веќе во два наврата веќе превезе залихи на МВС во рамки на договорот вреден 1,6 милијарди долари.
Во анексот вреден 288 милиони долари со НАСА за развој на Антарес и Сигнус, Орбитал потпиша и 1,9 милијарди долари за транспорт на товар на вселенската станица.
МВС е 100 милијарди вредна истражувачка лабораторија која на лета на височина од околу 400 километри над површината на Земјата. Спејс Икс успеа со американската влада да потпише договор за транспорт на астронаути на станицата.
Компанијата Орбитал го планираше пробниот лет на Антарес уште пред една година, но до одложувањето дојде заради проблемите со изградбата на вселенскиот центар во Вирџинија.
Од базата во Вирџинија НАСА досега редовно лансираше помали суборбитални ракети, балони за лет на големи висини и авиони во научни цели. Лансирањето на Антарес ќе биде лансирање на најголема ракета од тој остров.
Целта на оваа тест мисија е симулација на превозот на товар во орбитата на околу 258 километри височина што ќе ја покаже способноста на ракетата да полета и да го направи истоварот на товарот.
Тест капсулата би требало да остане во орбитата околу две недели, а потоа гравитацијата ќе почне да ја привлекува и потоа би требало да изгори во атмосферата.
За разлика од капсулите на Спејс Икс кои се враќаат на Земјата недопрени, Сигнус ќе изгори во атмосферата откако ќе го транспортира товарот.
Од Орбитал веруваат дека штом Сигнус се одвои од МВС, би можел да остане во орбитата околу една година и во тој период ќе служи како платформа за научни експерименти. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.