Со уривањето на станбено-деловниот комплекс „Космос“, претседателот на Владата во 2011 година и претседател на ВМРО-ДПМНЕ, тогашниот министер за транспорт и врски, и градоначалникот на Гази Баба, искористувајќи ја својата политичка моќ, му нанеле голема штета на инвеститорот Фијат Цаноски, тврди во четвртокот Специјалното јавно обвинителство (СЈО).

Како што појасни обвинителката Фатиме Фетаи, „одредени аболицирани личности најгрубо и со одмаднизднички причини“ му нанеле штета со уривање на објектот „Космос“ на Фијат Цаноски челник на партијата ПЕИ, кој, како што посочи обвинителката, дотогаш бил во коалиција со нив, а потоа преминал во коалиција со опозициската СДСМ.„Во периодот од  1.05.2011 година до 17.08. 2011 година, тогашниот претседател на Владата и претседател на ВМРО-ДПМНЕ, министерот за транаспорт и врски, кои со одлука на претседателот се помилувани, заеднички со цел да му се одмаздат на Фиат Цаноски, кој ја напуштил коалицијата и склучил коалиција со СДСМ искористувајќи ја нивната политичка моќ го навеле градоначалникот на Гази Баба, да ја искористи неговата службена положба и овластување и да го урне незаконски објектот на Фијат Цаноски“, тврди Фетаи.Градоначалникот ја прифатил оваа игра, продолжи Фетаи, ја повикал првоосомничената градежен инспектор во Општина Гази Баба, и ѝ објаснил дека „од врвот на партијата бараат да се урне објектот“. Таа се согласила да најде начин за уривање, свесна дека го крши законот почнала постапка за рушење, при што направила мерење на височина, кои на крај покажува повисока градба на објектот за 1,43 м, но без да направи безбедносен тротоар околу објектот. Донела решение во рок од 5 дена да се изврши рушењето, додава обвинителката на СЈО.Вештачењето од архитектонскиот факултет, во предистражната постапка, покажува дека таа постапила незаконски, тврдеше натаму Фетаи на прес-конференцијата.Сепак, на 1 септември  2011 година пристапила кон рушење иако, од фирмата која градела и доставиле стручно мислење на градежната инспекторка, од архитектонскиот факултет, дека е незаконски, но  таа продолжила.„Уривањето не одело како што замислиле нарачателите, па се пристапило кон уривање со експлозив, без јавна набавка, што е платен 2.999.560 денари“, рече Фетаи.Појаснуваше дека, наместо општината застапувана од градоначалникот, да се обрати за уривање на фирмата „Трансмед“, која имала договор со нив за такви дејствија, тие преговарале со „Бекатон трејд“, сопственот на починатиот П.И., „Интеринженеринг“, сопственост на сведокот  М.В. и „3М изградба“, сопственост на  ќерката на сведокот, да се изврши уривање и да достават понуди до 3 милиони денари, без оглас./крај/мф/ффс

Извор: Макфакс