Македонија
Ќе се формира анкетна и за „Фабриката за фалсификувани лични документи“
Пратениците одлучија да се формира нова Анкетна комисија што ќе се занимава со расчистување на скандалот за фабриката за фалсификување на лични карти, пасоши, афери и други документи.
По претходно упатено барање на Координаторот на Пратеничката група на ВМРО-ДПМНЕ Илија Димовски, новата Анкетна комисија да биде ставена на дневен ред на 86-тата пленарна седница, пратениците позитивно се изјаснија и ја донесоа одлуката за формирање на нова Анкетна комијата која ќе го расчистува скандалот со фалсификвуање на лични карти, пасоши, афери и други документи.Освен опозициската СДСМ која што гласаше против формирање на новата Анкетна комисија, сите останати пратенички групи сметаа дека формирањето на ваква комисија е повеќе од неопхдно за да се расчисти и разреши овој голем скандал, со единствена цел во Република Македонија да се одржат чисти избори на 24 април 2016 година.„Имаме обврска по член 17, член 18 и член 25 од Уставот на Република Македонија да им гарантираме на граѓаните слобода и тајност на писмата и другите видови на облици на општење, да им гарантираме тајност на личните податоци, но и да им гарантираме почитување и заштита на приватноста на личниот и семеен живот. Предлагам оваа точка да биде ставена денеска на дневен ред за да се донесе одлуката за формирање на оваа Анкетна комисија. Дополнително, би сакал да потенцирам дека оваа Анектна комисија ќе има обврска да обезбеди чисти услови за одржување на предвремените парламентарни избори на 24 април 2016 година“, рече Илија Димовски на денешната 86-та пленарна седница.Новоформираната Анкетна комисија ќе се занимава со расчистување на скандалот за фабриката во кои беа пронајдени над 120 илјади украдени идентитети на граѓани, над 70 илјади прислушкувани разговори, како и фалсификувани пасоши како од Македонија, така и од Бугарија и од Турција./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.