Институтот  за Истражување на политики и добро владеење  и Центарот за демократија и развој го искажуваат своето загрижување и го кренат гласот против обидот да се укине правото на глас, што им се прави речиси на четириесет илјади граѓани, прогласувајќи ги како спорни гласачи, од коишто повеќето се Албанци. 

Потсетуваат дека Уставот го гарантира правото на глас на сите граѓани кои се на возраст од 18 години. Ниедна власт, владејачка партија, службено лице, поединец или што и да е, не е над законите и Уставот на оваа земја, туку треба да биде во заштита на интересите и правата на граѓаните.

„Ако ја анализираме оваа листа изготвена од страна на ДИК, се чини дека не е подготвена во рамките на ниеден стандард, не е дадено доволно и разумно објаснување и, со тоа, речиси на четириесет илјади граѓани им се ризикува правото на глас, принудувајќи ги да се појават лично во канцелариите на Државната Изборна Комисија или во електронска форма да можат да го заштитат правото на глас. Иако првичните објаснувања беа дека се работи за граѓани кои живеат во емиграција, голем број граѓани секој ден изразуваат свое незадоволство дека се вклучени во оваа листа, иако тие никогаш не живееле во странство“, велат од здруженијата.

Овој чекор на ДИК, што е резултат од политичкиот договор меѓу четирите главни политички партии во земјата ги става граѓаните во нерамноправна положба. Имајќи предвид дека сме во лето, што предизвикува многу пречки за граѓаните да се појават, ја повикуваме ДИК, како што ја предизвикала оваа збрка, така да ја преземе обврската за идентификување и контактирање на овие граѓани кои без никакви критериуми ги внесела во листата на спорни гласачи./крај/со/бб