Македонија
Предметите за Верушевски и неговиот син, Маџар телеком, Поткуп, Шпион и Надеж не се во надлежност на СЈО
Предметите за коишто се спореше во чија надлежност се,за пиштолот на поранешниот разузнавач, Зоран Верушевски, предметот за порнографија против неговиот син, „Маџар телеком“, предметот „Поткуп“ во којшто е осомничен лидерот на опозицијата Зоран Заев, „Шпион“, „Надеж“ во кој се споменува поранешниот претседател, Бранко Црвенковски и предметот „Маџар телеком“ кој се отвори по сведочењето во Вашингтон на поранешниот разузнавач, Слободан Богоевски ќе ги работат Скопското јавно обвинителство и Основното јавно обвинителство за организиран криминал и корупција.
Вака одлучил Советот на јавните обвинители кој решаваше во чија надлежност ќе бидат предметите откако Специјалното јавно обвинителство ги побара, но Републичкото јавно обвинителство не му ги предаде со образложение дека не се во нивна надлежност, иако од СЈО тврдеа дека единствено тие можат да одлучат дали одреден предмет е во нивна надлежност.Овие одлуки на Советот се доставени до Основниот суд Скопје 1. „Надеж“ и вториот случај за „Маџар телеком“ сé уште не се во судска процедура. „Во образложението на одлуката стои дека за преземање на предметите од страна на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите (СЈО) односно за воспоставување на надлежност на предметите не е доволно јавниот обвинител кој раководи со тоа обвинителство само декларативно да се произнесе дека е надлежен, туку треба да го стори веројатен фактот дека предметите како што е наведено произлегуваат и се поврзани со незаконито следење на комуникации. Во одлуката стои дека јавниот обвинител за да ги преземе предметите треба да наведе на што ја темели својата надлежност во сите предмети што се побарани односно да наведе од кои разговори тоа произлегува, кога се водени тие разговори, помеѓу кои лица и да даде опис на содржината на разговорот. Советот на Јавни обвинители наведува и дека доколку тоа не е така во спротивно би можеле да настапи хаотична состојба, каде што повеќе обвинителства би претендирале дека се надлежни за постапување по ист предмет, а тоа може да доведе до несогледливи штетни последици и по самата институција, а исто така и во постапката за гонење на сторителите на кривичните дела“, соопштуваат од Основниот суд Скопје 1.Овие одлуки ќе бидат припоени кон соодветните кривични предмети на судот за понатамошно надлежно постапување на судиите во судот, при што надлежниот судија ќе ја има предвид надлежноста на конкретното обвинителство, додаваат од Судот./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло со мала до умерена локална облачност
Времето денеска, ќе биде сончево и топло со мала до умерена локална облачност.
Ќе дува слаб до умерен ветер претежно од југозападен правец. Попладне ќе има услови за појава на краткотраен пороен дожд. Минималната температура ќе биде во интервал од 11 до 18, а максималната ќе достигне од 28 до 36 степени. УВ=8
Во Скопје променливо облачно со слаб до умерен ветер од југозападен правец. Минималната температура ќе се спушти до 16, а максималната ќе достигне до 33 степени.
Во наредните денови следува период на постабилно време и ќе биде сончево и топло со мала до умерена облачност.
Претежно во планинските региони и од крајот на работната недела ќе има услови за изолирана појава на пороен дожд проследен со грмежи.
Македонија
Стефковски: Воведуваме два нови проекти со Црвениот крст- Итно копче и превоз за стари лица
Градоначалникот на општина Гази Баба, Бобан Стефковски на денешната средба со секретарот на Црвениот крст на Град Скопје Сузана Тунева Пауновска, договори отпочнување со реализација на два проекти и тоа Итно копче и превоз за стари лица и лица со попреченост.
За проектите, Стефковски информираше на својата официјална страна на фејсбук на која напиша:
Итно копче и посебен превоз за стари лица и лица со попреченост се два нови проекти на општина Гази Баба и Црвениот крст.
„На денешната средба со секретарот на Црвениот крст на Град Скопје, Сузана Тунева Пауновска договоривме започнување со реализација на два нови проекти за најранливите жители на општина Гази Баба.
Првиот проект е наречен Итно копче, е нова и иновативна услуга на Црвениот крст на град Скопје и истата веќе се практикува во повеќе европски земји со одличен резултат.
Станува збор за услуга која е достапна 24/7, а лицата ќе може да побараат помош преку притискање на само едно копче.
Корисникот на аларм-уредот има само обврска да го притисне копчето на уредот и да почекаат повик од страна на операторот од контакт центарот на Итно копче.
По воспоставување на контакт со корисникот, корисникот ги споделува информациите за тегобите со кои се соочува, а обученото лице/оператор му дава понатамошни насоки, а по потреба се испраќа тим за прва помош во нивниот дом. Доколку има потреба се обезбедува транспорт до соодветната установа/институција.
Вториот проект е посебен превоз за стари лица и лица со попреченост.
Посебниот превоз е наменет за лица, кои не се во можност, самостојно да обезбедат превоз за користење на здравствена, социјална, или друга административна услуга, заради:
• старост;
• болест;
• неможност или потешкотии, при самостојно движење;
• имаат потреба од придружник (негувател/личен асистент), врз основа на наод на стручно лице за потребата од користење на услуги во домот, поради здравствената состојба во која се наоѓаат, а се работи за неживотно загрозувачки ситуации.
Со поддршка на општина Гази Баба овие услуги ќе бидат поблиску до граѓаните“, известуваат од општината.
„За нив граѓанинот е на прво место“, напиша Стефковски.
Скопје
Прекинато водоснабдување на дел од улицата Максим Горки во Скопје
Од ЈП Водовод и Канализација известуваaт дека во вторник поради изведување на водоводен приклучок од Ф 80 мм на ул.Мито Хаџивасилев Јасмин бр.22 прекинато водоснабдување ќе имаат дел од корисниците на ул.Максим Горки од 09:00 часот до завршување.