Македонија
Ким Мехмети: Албанската амбасада во Скопје, најдоверлив огранок на ДУИ
Публицистот Ким Мехмети упати во понеделникот остри критики на адреса на амбасада на Албанија во Македонија, за, како што рече, пасивноста во однос на актуелните состојби во Македонија.
Мехмети, исто така, ја изнесе и оцената дека албанската амбасада е блиска до владејачката Демократска унија за интеграција (ДУИ) на Али Ахмети, опишувајќи ја како „најдоверливиот огранок на ДУИ“.
„Не треба да се сомневаме дека официјална Тирана е таа која одлучува и знае како да ги заштитува интересите на Албанците надвор од татковината, но од она што се гледа однадвор се гледа, остава впечаток дека таа албанската амбасада во Скопје, освен тоа што што ги вработува блиските на ‘големите’ во Тирана, исто така, во голем дел претставува огранок на партијата на власт на Албанците – ДУИ“, пишува на Facebook пренесува скопската телевиизја на албански јазик Шења.
„Така се чини дека интересите на Албанците во Македонија почнуваат и завршуваат во седиштето на партијата!“, додава Мехмети./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.