Македонија
За 24 часа издадени потврди за влез во земјата на 1.837 мигранти

Во четвртокот од страна на МВР биле издадени потврди за влез во земјата на вкупно 1.837 странски државјани, од кои 754 се од машки пол, 392 се од женски и 691 се деца кои го придружуваат носителот на потврдата на кои издадена е потврда за искажана намера за поднесување на барање за признавање на право на азил. Според државјанството на лицата на кои им се издадени потврди, најбројни се државјаните на Авганистан–741, Сирија-690 и Ирак-406.
Од почетокот на годината па до 28-ми јануари, издадени се потврди на вкупно 50.211 странски државјани, од кои 20.880 се од машки пол, 10.801 се од женски и 18.428 се деца кои го придружуваат носителот на потврдата, како и уште 102 дете кои патуваат без родител, на кои им е издадена потврда за искажана намера за поднесување на барање за признавање на право на азил. Според државјанството на лицата на кои им се издадени потврди, најбројни се државјаните на Сирија-24.950, Авганистан-15.872 и Ирак-9.386.
Од почетокот на годината па до 28-ми јануари, до Секторот за азил поднесени се шест барања за признавање на право на азил врз основа на претходно издадена потврда за искажана намера за поднесување на барање за признавање на право на азил на шест малолетни лица од кои пет од Авганистан и две од Сирија.
Во ЈУ Прифатен центар за баратели на азил во дневниот регистар на баратели на азил за 28-ми јануари, евидентирани се вкупно 34 баратели на азил од кои 28 мажи, две жени, две деца со придружба на старател и две деца без придружба на старател. Дополнително, согласно член 48 од Законот за азил и привремена заштита, пет малолетни лица без придружба на старател се згрижени на друго место за сместување определено од Министерството за труд и социјална политика./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР: Големиот број на полициски службеници во Кочани е заради службени активности а не заради попречување на протести

Министерството за внатрешни работи со известување до граѓаните дека овие денови има зголемено присуство на полициски службеници на територија на цела држава, особено во градот Кочани и околу општинската зграда.
Зголемениот број на полициски службеници е поради извршување на службени активности и обезбедување на документација од општината, а не заради попречување на граѓаните во нивното загарантирано со Устав право на собирање и одржување на протест, велат од МВР.
Апелираат до граѓаните сите собирања и протести да се одржат во мирна атмосфера.
Македонија
Заводот за трансфузија во Блеград: Има доволно крв за повредените во пожарот во Кочани

Како што истакнуваат од српскиот завод за трансфузија на крв во Белград, резервите на крв во моментов се стабилни и доколку има потреба од трансфузија на пациентите кои беа повредени во пожарот во дискотеката во Кочани, а кои беа пренесени во Белград и моментално се во Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди, крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од институтот за трансфузија на крв.
Како што наведе таа, Заводот за трансфузија на крв во моментов има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника, бидејќи доколку има потреба ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.
Македонија
Симнати од респиратор петтемина пациенти испратени на лекување во Анкара, Турција

Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно. Заменик – министерот за здравство Јовица Андоновски доби информација за нивната состојба додека траеше утринската прес-конференција на која лекарите известуваа за состојбата на пациентите сметени во нашите клиники.
„Само што добив информација од Анкара, таму имаме шестмина пациенти, петмина беа интубирани, сега сите се екстубирани, состојбата им се подобрува“, рече заменик – министерот Андоновски.
Министерот за здравство Арбен Таравари вчераутро извести дека меѓу испратените пациенти на лекување во странство се шестемина во Анкара, Турција. Покрај овие шестмина, на лекување во Истанбул, Турција се уште тројца повредени во пожарот во Кочани.
До утрово на лекување во странство Министерството за здравство испрати 76 пациенти, а засега дома се лекуваат 89 повредени.