Забава
Хју Џекман го прослави 45 роденден со 4.500 гости
Популарниот актер Хју Џекман, го прослави својот 45 роденден во присуство на 4.500 гости, кои мораа да платат за да присуствуваат на програмата организирана во холивудскиот театар „Долби“.
Џекман на роденденската прослава пееше, играше и раскажуваше приказни и при тоа собра 1,85 милиони долари за Фондот на подвижни слики и телевизија, пренесе AP.
„Ова е веројатно најнарцисоидниот начин за прослава на роденден. Ги одбрав своите омилени песни и раскажував приказни од својот живот“, изјави Џекман по прославата.
Со оркестар од 17 членови, Џекман изведе варијација на своето шоу од Бродвеј, со лични случки, инсерти од филмови и избор на класични холивудски мјузикли, вклучувајќи ја песната „Singin’ in the Rain“.
Зборуваше за своето семејство, пееше за својата сопруга и ја претстави музиката и сликите од својата родна Австралија.
„Да се биде овде вечерва, да се поддржи оваа цел, беше одлично. Да се трудев, не би избрал подарежливи луѓе. Ова е нешто што сакам да го работам“, вели Џекман.
Вели дека парите од својата добротворна прослава ги донирал на Фондот на подвижни слики и телевизија, затоа што `пружа безусловна помош каква што добивате од семејството“.
Таа организација обезбедува здравствена нега и други услуги на работниците во индустријата на забава и на пензионерите.
Сибил Шепард, Брајан Сингер, Дарен Крис беа меѓу гостите кои присуствуваа на двоиполчасовната програма, а заврши со аукција на Вулвериновите канџи, испотените маички кои Џекман ги носи на претставите. Маиците се продадени за 22.000 долари./крај/х/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како изгледа денес Роуз од „Два и пол мажи“ која го демнеше Чарли
Хит серијата „Два и пол мажи“ се емитуваше од 2003 до 2015 година, а во главните улоги беа Чарли Шин, Џон Крајер и Ангус Т. Џонс.
Улогата на композиторот и женкар Чарли ја толкуваше Чарли Шин, се до кавгата со продуцентите кога беше заменет со Ештон Качер, а многумина се сеќаваат и на Роуз која со сите сили се трудеше да го освои неговото срце.
Улогата на Роуз ја толкуваше актерката Мелани Лински, која се прослави по оваа улога. Актерката минатата година постигна голем успех во кариерата со улогата во серијата “Yellowjackets”, но и покрај тоа се бореше со „стандардите за убавина“.
Таа изјави за „Њујорк Тајмс“ дека нејзината кариера првично се засновала на сценарија за „дебела пријателка“ или „смешна дебела жена“.
„Луѓето кои ја оценуваат мојата тежина и здравје се приказна за мојот живот уште од премиерата на “Yellowjackets”, напиша таа на мрежата „Х“ и додаде дека „да се биде слаб не секогаш значи да се биде здрав“.
Нејзиниот сопруг ја поддржал, пишувајќи на мрежата „Икс“: „Ако некој има несакани коментари за нечиј изглед, слободно нека ги напише со трајно мастило на челото и нека излезе директно на сонце“.
Забава
Луѓето родени во овие два хороскопски знаци не сакаат да готват
Готвењето е уметност – барем за некои луѓе. Меѓутоа, други секогаш ја избегнуваат кујната и често може да ги фатите како нарачуваат храна од ресторани. Тие луѓе можеби се родени во овие хороскопски знаци.
Водолија
Водолиите се современи визионери, а нивната имагинација често ги надминува секојдневните задачи како што е готвењето. Наместо да поминуваат време на сечкање зеленчук, тие веројатно се зафатени со создавање револуционерни идеи кои ќе го променат светот. Кујната е едноставно преполна и премногу рестриктивна за нив; тие попрво би откриле нови светови отколку да мешаат сосови.
Стрелец
За Стрелците светот е нивна авантура, а кујната е како темнина која едноставно не сакаат да ја истражуваат. Тие се премногу зафатени со мечтаење за нивната следна дестинација или планирање авантури, па кујната често ја нема на нивната мапа. Стрелците ја сакаат слободата и слободата на движење, а готвењето често ги спречува да истражат се што може да понуди светот.
Забава
Петар Грашо и Хана Хуљиќ го очекуваат своето второ дете
Петар Грашо и Хана Хуљиќ го чекаат своето второ дете.
Ова го потврди пејачката во емисијата Ин Магазин. Парот ќе станат родители по втор пат, откако пред година и девет месеци ја добија малата Алба.
View this post on Instagram
Хана неодамна проговори за мајчинството.
„Толку многу уживам во секој момент со неа, знам дека брзо ќе порасне и можеби сега едвај чекам да порасне, но кога ќе порасне ќе ми биде жал. Убава е, весела е. Таа донесе нешто посебно во нашиот живот“, изјави Хана. Вели дека многу и помагаат двете баби.
Хана е среќна што Алба расте во вљубено семејство.
„Горда сум што детето расте во љубов, што за жал не е толку често во денешно време и секогаш ми е жал за децата кои ја немаат и ми е тешка тема“, додаде таа.
Хана и Петар се венчаа во февруари 2022 година во Сплит.