Македонија
Петмина обвинети за производство на дрога и држење на оружје ја признаа вината
Петмина обвинети за сторено кривично дело „недозволено изработување, држење и тргување со оружје или распрскувачки материи и неовластено производство на дрога“ ја признаа вината, по што судот донесе пресуда по признание на вина, соопштуваат од Јавното обвинителство.
Лицата се осудени на казни затвор во времетраење од три до пет години.Обвинителството ги товареше обвинетите дека во периодот од ноември 2014 до јули 2015 година со умисла се здружиле за вршење на кривични дела. „Основното јавно обвинителство за гонење на организиран криминал и корупција со координирано преземање на истражни дејствија, како и употреба на посебни истражни мерки и други истражни дејствија прибра релевантни докази кои ја докажуваат вината на обвинетите. Обвинителниот акт беше поднесен во јануари годинава и тоа против лицата Р.М. за Неовластено производство и пуштање во промет на наркотични дроги, психотропни супстанции и прекурсори од член 215 став 3 во врска со став 1 во врска со член 45 и кривично дело Недозволено изработување, држење и тргување со оружје или распрскувачки материи од член 396 став 1 од Кривичниот законик, а останатите четворица А.А., З.Б., М.Т. и М.А. за сторено кривично дело Неовластено производство и пуштање во промет на наркотични дроги, психотропни супстанции и прекурсори“, соопштуваат од Обвинителството./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Костадиновска-Стојчевска: Покажавме како се почитува слободата на медиумите, „Репортери без граници“ го потврди тоа
Коносителката на ИЕ5 и министерка за култура, Бисера Костадиновска-Стојчевска, честитајќи го Светскиот ден на слободата на медиумите потсети дека СДСМ во целиот свој мандат поттикнува демократска и слобода атмосфера во општеството.
„Направивме законски измени со кои нападот врз новинар се квалификува како напад на службено лице, заради поголема заштита на луѓето кои ја вршат оваа значајна општествена професија“, вели Костадиновска-Стојчевска.
Таа додава дека наспроти децениската репресија и прогон кон медиумите и новинарите, насилното затворање медиуми и користење на институциите за пресметка со новинарите, СДСМ значително го подобри медиумскиот амбиент и критичкото новинарство.
„Не приведуваме новинари за искажан збор, не тужиме редакции за објавени текстови, не затвораме медиуми кои не критикуваат“, вели Костадиновска-Стојчевска на Светскиот ден на слобода на медиумите кога „Репортери без граници“, во својот извештај забележа прогрес за Северна Македонија.
Според овој извештај, државата годинава има напредок и е рангирана на 36 место на Индексот за слобода на медиумите, што е за две места подобор од 38 место лани. Во 2016 бевме на 118 место.
„СДСМ е демократска партија која на дело покажува како се почитува слободата на медиумите и новинарската мисла. Остануваме лидери во регионот по слободата на новинарското изразување“, вели Костадиновска-Стојчевска, додавајќи дека актуелните времиња носат и нови предизвици за медиумите и медиумските работници, а технолошкиот развој носи и бројни ризици за самата професија.
Според Костадиновска-Стојчевска, слободата на новинарската мисла и подобрување на условите за медиумските работници остануваат приоритет на социјалдемократите кои остануваат силни поддржувачи на професионалното и непречено изразување.
Македонија
Филипче: Овозможивме слободни и независни медиуми и сме први во регионот
Позитивните политики и пристап на СДСМ кон медиумите, се потврдија со тоа што Северна Македонија е најдобро рангирана земја во регионот по слобода на медиуи, истакна Венко Филипче носител на листа во Изборната единица 4 од СДСМ и Коалицијата за европска иднина.
,,Македонија во 2024 година го постигна сопствениот рекорд во последните 15 години во Индексот на слободата на медиумите според „Репортери без граници“. Годинава се наоѓа на 36-то место и е најдобро рангирана од сите земји во регионот. Ова е потврда за позитивните политики и пристап на СДСМ кон медиумите. Слободни медиуми се слика на секое демократско општество”, смета Филипче.
Тој посочи дека граѓаните не треба да дозволат да ја изгубиме демократијата и слободата.
,,Без слобода, без независни медиуми, без професионални новинари ќе го изгубиме и развојот и напредокот на државата. Уште многу треба да се направи за подобрување на општата медиумска ситуација во земјата, но курсот кој го поставивме е правилен” вели Филипче.
Носителот на листата во Изборната единица 4 од СДСМ и Коалицијата за европска иднина, Филипче истакна дека во следниот мандат СДСМ мора да се фокусира на повисок животен стандард на новинарските и медиумските работници.
,,Тоа директно ќе влијае на објективноста во известувањето, во служба на граѓаните, а не во политичките и бизнис елити”, рече Филипче.
Македонија
Николоски: Која е улогата на Груби во криминалот во Лотарија и доделувањето на трите лиценци за онлајн игри на среќа?
Можеби и нема подобро место од Гевгелија, тоа е поврзано со нашата сериозна одлука да ги испратиме ДУИ во опозиција и да одговараат за криминалот, вели Александар Николоски, потпретседател на ВМРО-ДПМНЕ и носител на изборна единица 4.
„Мислам дека од овде е право време и место да повторно го прашам Артан Груби каква е неговата улога во индициите за криминал што ги има во Лотарија на Македонија, зошто токму тој притискаше толку силно за измените на Законот за игри на среќа, која е неговата улога во нелегалното доделување на втора лиценца за видео лотарија, како и која е неговата улога во нелегалното доделување на три лиценци за онлајн игри на среќа“, истакнува Николоски.
„Од една страна велеа дека сакаат да ги отстранат местата за обложување за да не се обложувале децата, а од друга страна дадоа три лиценци за онлајн игри на среќа при што на секое дете веќе на телефон му е веќе можноста да се обложува што секако ќе се согласите не е во ред“, додава тој.