Македонија
Медиумските реформи итен приоритет, Ван Хауте повикува на повторни преговори
По неуспехот на политичките партии да постигнат консензус во однос на преговорите за реформи во медиумите во четвртокот вечерта, белгискиот експерт и медијатор во преговорите, Питер Ван Хауте повикува на повторни преговори, со цел да се изнајде договор.
Повиците на Ван Хауте доаѓаат во пресрет на проценката која се очекува во петок да биде соопштена од страна на амбасадорите на ЕУ и САД, Аиво Орав и Џес Бејли, а која се однесува на тоа дали постојат услови за одржување на фер и демократски предвремени парламентарни избори на 24-ти април, датум кој е предвиден во рамките на Пржинскиот договор.
„Медиумските реформи остануваат итен приоритет. Предлагам да се вратиме на преговарачката маса“, напиша Ван Хауте на својот твитер профил. Во однос на последната рунда од преговорите, главната разлика помеѓу партиите овојпат бил составот на Агенцијата за медиумите.
„Не е постигнат договор во однос на медиумите. Понатамошни преговори не се закажани, освен ако тоа не го побараат партиите. Остануваме достапни за понатамошни дискусии“, напиша Ван Хауте на твитер по завршувањето на вчерашната рунда од преговорите за реформите во медиумите./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Кузеска за скриениот бојкот во некои општини: Како настапи секоја партија на изборите, треба да одговори пред себе и пред граѓаните
Денеска имавме мирен, достоинствен и успешен изборен ден, изборите беа фер и демократски, како што доликува на земја членка на НАТО со почнати преговори за Европската унија. Констатирани се одредени неправилности, но сметаме дека се тие со незначителни во овој изборен процес, рече портпаролката на СДСМ, Богданка Кузеска.
Правото на глас и слободното одлучување се најзначајни придобивки во демократијата
Таа упати благодарност до граѓаните кои денеска гласаа, а изборите ги оцени како слободни, мирни, демократски и достоинствени.
Кузеска кажа дека граѓанската волја ќе одлучи по кој колосек ќе се движи Македонија понатаму.
Прашана како го коментира скриениот бојкот во општините каде што има доминантно албанско население Кузеска кажа дека како настапила секоја партија на овие избори треба да одговори пред граѓаните и пред себе.
„СДСМ од самиот почеток повикуваа на масовност, граѓаните да го искористат својот глас. СДСМ никогаш не бил кочничар на било кои процеси кои ја носат државата напред“, рече Кузеска.
Македонија
(Во живо) Прес-конференција на портпаролката на СДСМ, Богданка Кузеска
Портпаролката на СДСМ, Богданка Кузеска одржува прес-конференција во седиштето на партијата.
Македонија
Меџити гласаше и упати порака до граѓаните: Не заборавајте дека секој глас е важен
Претседателот на Демократското движење и носител на листата на пратениците од коалицијата ВЛЕН во ИЕ 1, Изет Меџити го оствари правото на глас.
„Почитувани граѓани, денес е важен ден за нашата демократија. Ве молам учествувајте на изборите и изразете го својот глас за иднината на нашата земја. Ова е должност кон себе и кон другите. На овој прекрасен и демократски ден, не заборавајте дека секој глас е важен“, рече Меџити.