Македонија
Груевски сведочеше пред Анкетната комисија
Вистинската анкетна комисија ќе биде онаа на народот на 24-ти април, изјави премиерот Никола Груевски по речиси петчасовното сведочење во понеделникот пред собраниската Анкетна комисија за прислушуваните телефонски разговори на владини функционери, додека нејзиниот претседател од редовите на но позицијата Петре Шилегов рече дека немало никакви класифициран информации во одговорите на премиерот за седницата да се одржи зад затворени врати како што бараше Груевски.
Премиерот Никола Груевски, по завршувањето на неговото сослушување како прв сведок образложи дека побарал затворена седница за најголемата опозициска партија СДСМ да не ја искористи можноста да создава конфликти и тензии. Сепак, на новинарските прашања тој не посочи кои делови од неговите искази биле доверливи.
„Се повикав на членот 4 став 4, од едноставна причина што единствената програма на СДСМ е да создава конфликти, деструкција и ширење омраза, и не сакав да им го дадам тоа задоволство денеска“, рече на барање да појасни зошто беше против медиумите да присуствуваат на седницата.
Претходно Груевски изјави дека дошол „да одговорам на поканата на Анкетната комисија во својство на сведок, да одговорам на сите прашања кои сакаа нејзините членови да ми ги постават и одговорив на сите прашања без исклучок. Дури, на крајот добар дел од нив немаа и доволно прашања…“, рече премиерот додавајќи дека станува збор за материја којашто претходно ја споделил со јавноста.
„Мислам дека по оваа Анкетна комисија, следува и онаа вистинската анкетна комисија на народот на 24-ти април следната година“, порача Груевски.
На новинарско прашање за тоа како одговара на прашања (во комисиајта), а обвинителството покренува истрага против него во врска со прислушуваните телефонски разговори, Груевски посочи дека Обвинителството работи согласно материјалите што ги доби од СДСМ.
„Одговорив совесно и навреме дојдов да им ја кажам вистината о очи на оние кои сакаат да ја искриват“, рече Груевски на тврдењето на претседателот на комисијата Шилегов дека ја „торпедирал комисијата“.
На прашање дали ќе биде почитуван договорот од Пржино, како услов кој го бара опозицијата за одржување на предвремените избори, Груевски истакна дека „мора да се испочитува и дека мора да има избори на 24-ти април“, а за неговото повлекување од премиерската должност одговори дека „ќе биде постапено како што е предвидено“ со споменатиот договор.
„Немаше никакви класифицирани информации во одговорите на премиерот Никола Груевски, пред Анкетната комисија“, рече претседателот Петре Шилегов, по завршеното сослушувањето. Не одговори на прашањето за содржината на одговорите на Груевски, но рече дека од нив „еден ден може да се направи македонска хумористична серија“.
Шилегов го обвини премиерот дека ја „торпедирал“ работата на Комисијата, а на прашањето за што подразбира за тоа „ако претседателот на Владата, како најодговорен во државата, одбере за скандал од толкави размери да се сокрие со цел да не се соочи пред јавноста со прашањата, тогаш неговото однесување не е ништо друго туку торпедирање на Комисијата. Наместо јавно и транспарентно да ги даде одговорите, одбра јавноста да биде исклучена од сослушувањето. Жално е што тоа се случи, не разговаравме за никакви класифицирани информации и толку можам да кажам. Не знам зошто беше побарано оваа седница да биде затворена, ниту прашањата ниту одговорите не беа класифицирани“, рече Шилегов.
„За одговорите на Груевски не би можел да зборувам. Не сакам да ширам хумор за толку сериозна тема. Стана јасно дека ВМРО-ДПМНЕ нема интерес оваа комисија да проработи. Стана јасно дека на ВМРО-ДПМНЕ не му е потребна Анкетната, затоа што се покриени со нивната медиумска надмоќ. Излезе дека храбриот боксер сака да боксува на скриени мечеви“, дополни Шилегов.
Рече и дека записниците од седмицата нема да бидат достапни за јавноста, затоа што, според неговото толкување, тие се под посебен режим на чување материјали во Собранието и нема да може да се објават./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.