Забава
Германец направи дрвен мотоцикл поради забраната од жена му
Германски столар работел дванаесет години за да изработи веродостојна дрвена копија на својот мотоцикл за салонот во домот, откако сопругата му забранила таму да го паркира оригиналот.
Андре Шлозер, 46-годишен дрводелец од Ниенборстел в сојузната земја Шлезвиг-Холштајн во северна Германија, потрошил 4.00 часови на изработката на дрвениот мотоцикл. „Понекогаш до глуждовите бев во пилевина“, вели за агенцијата DPA.
Неговата дрвана „Yamaha FZR 600R Aral Cup“ изминатата седмица е завршена, а секој нејзин дел е изработен рачно. Оваа идеја на ум по паднала поп кавга со сопругата.
„Сакав да го поставам мојот мотоцикл во собата за дневен престој кога престанав да го возам“, појаснува, но сопругата не сакала ниту да чуе за тоа. На крајот, дрвената копија била прифатена како компромисно решение, иако сопругата веројатно ниту сонувала дека нејзиниот маж навистина ќе ја оствари својата намера.
Следувале часови, денови и години минати во гаражата, а многуте делови кои не биле изработени како што треба завршувале во каминот. „Многу делови ги изработував по два или дури трипати“, вели Андре.
Најтежок за изработка се покажал ланецот, кој се состои од 430 делови. „Големината ја одредував одоколу, а пота работев од око“, признава.
Додека оригиналот тежи над 160 килограми, копијата изработена во најголем дел од смрека и од бука е тешка околу 100 килограми. Шлозер во текот на изработката на мотоциклот потрошил 10 дупчалки, а колку повеќе работел, толку повеќе внимание им посветувал на деталите. На пример, во моделот се вградени дрвени свеќички, иако тие не можат да се забележат од надвор“.
На крајот, сепак, најверојатно дрвената копија нема да заврши во салонот како што било предвидено. „Сакам луѓето да го видат“, вели Шлозер, кој сега размислува своето дело да го изложи во музеј./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.