Македонија
Пред Анкетната ќе сведочи Зоран Ставрески
Вицепремиерот и министер за финансии, Зоран Стварески, во четврток, треба да сведочи пред Анкетната комисија за скандалот со прислушување.
Тој не се појави на првично одредениот датум, но достави писмено известување дека ќе биде во можност на 17 декември да сведочи пред Анкетната, па затоа се очекува денеска тој да се појави во Собранието.Во понеделникот, повеќе од пет часа, на прашања на членовите на Комисијата одговараше премиерот Никола Груевски, што е и првиот и единствениот кој се појавил и сведочел од неколкуте сведоци кои Комисијата ги повика да сведочат за скандалот со прислушување.До сега пред комисијата не се појавија поранешните министри за внатрешни и за транспорт и врски, Гордана Јанкулоска и Миле Јанакиески, ниту поранешниот прв човек на Управата за безбедност и контраразузнавање, Сашо Мијалков. Не се појави ниту советникот на премиерот Мартин Протуѓер. Сите овие ниту се појавија, ниту, пак, известија дали и кога би се појавиле. Тие можат до три пати да бидат повикани за сведоци.Од СДСМ најавија дека Зоран Заев ќе биде првиот сведок од нивната партија што ќе сведочи за скандалот, и дека неговото сведочење ќе биде јавно.Во среда, Комисијата формира две работни групи за посета на институции кои се во рамките на нејзините надлежности./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост поради магла на патните правци Скопје – Тетово и Велес – Катланово
Сообраќајот на државните патишта се одвива во зимски услови, по претежно влажни коловози. Врнежи од снег со слаб интензитет во утринските часови се бележат во Маврово и на планинските премини Буково, Ѓавато и Плетвар, но во моментов не преставуваат пречка за одвивање на сообраќајот. Намалена видливост поради појава на магла од 100 – 150 метри има на патните правци Скопје – Тетово и Велес – Катланово.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Делови од Бутел, Чучер Сандево и Илинден денеска без струја
ЕВН Македонија АД известува дека денеска без електрична енергија ќе останат делови од општините Бутел, Чучер Сандево и Илинден.
– Во период од 09:00 до 13:00 часот корисниците од улицата 18 броеви од 30 до 40, улицата Радишанска броеви од 40 до 70, во општина Бутел.
– Во период од 09:00 до 15:00 часот дел од корисниците во село Мирковци во општина Чучер Сандево.
– Во период од 09:00 до 14:00 часот корисниците од улицата од Мршевци кон Бујковци во општина Илинден.
Македонија
Претпладне појава на магла, преку денот претежно облачно со услови за слаби врнежи од дожд
Претпладне по одделни котлини ќе има појава на магла и ниска облачност. Преку денот променливо облачно со повремени врнежи од дожд и снег во пониските и снег на повисоките места и на планините. Минималната температура ќе биде во интервал од -5 до 1, а максималната ќе достигне од 2 до 9 степени.
Во Скопје претпладне со појава на магла, преку денот претежно облачно со услови за повремени слаби врнежи од дожд. Минималната температура ќе се спушти до -4, а максималната ќе достигне до 4 степени.
Во наредните денови ќе се задржи променливо облачно време со сончеви периоди. По котлините во претпладневните часови ќе има појава на магла. Во петок претежно во северните делови ќе има локални врнежи од дожд, а на планините од снег.