По седум години понуда на пазарот градбата „Флер д’ Лис” во Лос Анџелес, за чијшто урнек е земен славниот париски дворец Версај, конечно е продадена за 102 милиони американски долари со што стана најскапа резиденција кога и да е продадена во округот на Лос Анџелес.

Според американските медиуми, за оваа резиденција којашто се простира на речиси пет илјади квадратни метри и земјиште од повеќе од педесет илјади квадрати, се натпреварувале тројца милијардери, пишува e The Los Angeles Times.

Вилата којашто е изградена во 2002 година ја продала Сузан Саперстејн, којашто ја добила по бракоразводната парница од тексашкиот милијардер Дејвид Саперстејн. Тие се разведоа три години откако беше довршена изградбата на зданието, а Сузан ја ставила на продажба во 2007 година по цена до 125 милиони долари.

И самата бракоразводна парница, како и продадената резиденција, беше една од најскапите во историјата на САД. Дејвид Сатерстејн ја остави Сузана, којашто гласеше за главната светска потрошувачка на висока мода и покуќнина од XVIII век, поради семејната 32-годишна дадилка.

Дизајнирана од американскиот архитект Ричард Робертсон Трети, резиденцијата „Fleur de Lys” опфаќа 35 илјади квадратни метри мермерни ѕидови исполнети со вретоновидниот мебел, во 12 спални соби, 15 бањи и две големи кујни за приготвување храна, сместување за десет членови на послугата, салата целосно во сатен за гледање видео материјали со 50 комфорни седишта, и трособна куќа за обезбедување. Во рамките на резиденцијата има и голема библиотека во којашто има многу вредни книги, како и девет големи гаражи за автомобили. „Со 3.000 квадратни метри, само винарската визба и салонот за дегустација, се поголеми од повеќето скапи домови во Америка”, пишува весникот.

Покрај тоа, куќата изградена во стилот на Версајскиот дворец на францускиот крал Луј XIV, меѓутоа со целиот луксуз кој може да му падне напамет на модерен крал, има и сала за фитнес, базен и тениски терени. Има, исто така, и голема сака за танцување изградена во стилот на Салонот на огледалата (La Galerie des Glace) во Версај. Ѕидовите се од италијански мермер и кожа со златни релјефи, што дополнително го засилува чувството на декаденција, пишуваат американските медиуми.

Продажбата на оваа палата одеше тешко поради годините на рецесијата. Новиот сопственик засега е анонимен, но според LA Times, се шпекулира дека станува збор за „таен француски милијардер”.

Американската реплика на париски Версај, така, го надмина досегашниот рекорд, кога станува збор за округот на Лос Анџелес, кој и’ припаѓаше на изградената во 1932 година „Каза Енкантада” кој аво 200 година беше продадена за 94 милиони долари. Сепак, ова не е и најскапата куќа продадена некогаш во САД. Рекордот во јануари 2013 година беше поставен во Северна Калифорнија, во Силиконската долина, кога имотот од околу 37 илјади квадратни метри беше продаден за 117,5 милиони долари./крај/мф/сн