Култура
Очекуван настап на Пласибо, дЕУС вистинско изненадување на Сигет фестивал
Глaвната сцена на Сигет фестивал во средата беше одбележана со настапот на британскиот бенд Пласибо.
Што се однесува до очекувањата на публиката очигледно беа задоволени, тоа го потврди присутноста на околу 30 илјади фанови. Она што беше вистинско изненадување на А38 сцената, беше белгискиот бенд дЕУС, кој несомнено покажаа дека ја заслужуваат главната сцена за наредните изданија на Сигет фестивал, јави дописникот на „Макфакс“ од Будимпешта.
Спектакуларни, динамични на моменти меланхолични и полни со емоции, вака може да се опише настапот на Пласибо кои во ниту еден момент не дозволија атмосферата да стивне. Промовирајќи дел од нивниот нов материјал не ги изоставија нивните најпознати хитови како Every me, every you, I know, Bitter end, Special needs.
Многумина од посетителите го сметаат овој ден како неофицијално главно отворање на фестивалот, само поради светските музички имиња, кои ја пополнија музичката програма. На главната сцена настапија и британците Хртс, кои пред една година се претставија и пред македонската публика.
Напоредно со нивниот настап на А38 сцената, „распали“ белгискиот бенд дЕУС, кој со својата постојана комуникација со публиката одржуваа вжештена атмосфера. Кулминацијата настана кога на сцената ги повикаа фановите да им се придружат додека ја изведуваа последната песна. Пред нив пак, во романтично рокерска атмосфера се претстави Ана Калви.
МЕТАЛ ДЕНОТ ПОМИНА НЕЗАБОРАВНО
Почнувајќи во попладневните часови, присутните имаа можност да ги слушнат, светските Хамерфол, Мунспел, Диму Боргир, Игнит и Лакуна Коил. Со оваа комбинација на бендови се одбележа метал денот кој беше резервиран во вторникот.
Покрај тоа што сцената беше „запалена“ од различните метал состави, фановите на Хамерфол имаа невообичаена прилика да се фотографираат и разговараат со членовите на бендот. По завршувањето на нивниот настап тие ги повикаат сите оние кои имаат желба да ги запознаат да им пријдат. Без помпезност и без обезбедување и се придружија на публиката и заедно го проследија настапот на Диму Боргир.
Тие пак, поголемиот дел од припремите за настапот го поминаа шминкајќи се во својата гардероба. Нивниот необичен и со некаква доза на застрашувачки „мејк ап“ стил, го подготвуваат сосема сами, шминкајќи се еден со друг./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Денес е Ден на македонскиот јазик
Петти мај е прогласен за „Ден на македонскиот јазик“. На овој ден во 1945 година, со решение на Народната влада на Федерална Македонија е усвоена азбуката на македонскиот јазик врз принципот еден глас – една буква, а набргу потоа, на 7 јуни 1945, е усвоен и Правописот на македонскиот јазик.
Кодификацијата на современиот македонски стандарден јазик се заокружува со делата на Блаже Конески – Граматиката на македонскиот литературен јазик, Речникот на македонскиот јазик и Историјата на македонскиот јазик.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.