Македонија
Обвинетиот не се чувствува виновен за убиството на медицинската сестра
Обвинетиот Никола Кузмановски пред судот во средата се изјасни дека не се чувствува виновен за убиството на медицинската сестра Диана Здравковска, коешто се случи на 9-ти јануари на Детската клиника во Скопје.
Дваесет и двегодишниот Кузмановски кој е десет години помлад од Диана, се очекува да ја каже својата верзија за убиството во текот на постапката, единствено се изјасни за делото што му се става на товар „убиство на бремено лице“.Пред судот како сведок се појави и сопругот на убиената, Дејан Здравковски. Тој не знаел дека Никола и неговата сопруга биле во љубовна врска, но обвинетиот го познавал, биле соседи од истото село, скопско Петровец. Сопругот разбрал дека неговата сопруга е убиена дури вечерта во 23 часот, иако според официјалните информации од обвинителството убиството се случило околу 19 часот.По истекот на работното време на Диана, на која ѝ завршувала смената околу 19.30 часот Никола ѝ ѕвонел на мобилниот телефон, но таа не му се јавувала. На службените телефони на Детската клиника кога се јавувал на телефон и се претставувал дека е сопруг на Дијана, му ја спуштале слушалката.Самоиницијативно заминал за да види што се случува со неговата сопруга и дознал дека таа е убиена. Вработениот чувар на Детската клиника во Скопје, Борче Цветановски, забележал дека нешто се случува околу 20 часот, кога мајка која била дојдена со своето дете на Клиника, му кажала дека некој фрла или го чисти снегот од покривот на Клиниката.Кога погледнал нагоре, го видел обвинетиот како седи на олукот, горе на покривот. Заедно со електричарот од Клиниката се качиле горе и таму го забележале обвинетиот Никола како виси со нозете надолу.„Го прашав ‘дечко што правиш’, а тој ми одговори дека ќе се фрла. Го прашав ‘што беља си направил’, а тој ми кажа дека си ја отепал девојката“, раскажа чуварот.Го убедувале да не се фрла, бидејќи проблемот нема да се реши на тој начин, а во меѓувреме Борче го известил целото обезбедување на Клиниката за случајот по што била повикана полиција.Тој го забележал телото на убиената кога се свртел за да се симнува по скалите, но бидејќи било темница не забележал дека се работи за лице во работна униформа.
Убиството се случило на поткровјето на Клиниката, просторија којашто не се заклучувала, била постојано отворена и немало покрив, бидејќи пред неколку години ветер го откорнал покривот и оттогаш штетата не била санирана.Според обвинителството, смртта на Дијана настапила со задушување со притискање и со затворање со шаката на устата и носот и оштетувања на вратот. Според одбраната на обвинетиот, пак, односно според адвокатот на обвинетиот Ѕвонко Давидовиќ, смртта настапила како последица на кршење на черепот предизвикан од пад и со задушување. Според нив, тоа бил настан со несреќни околности. „Со смртта на Дијана е уништен еден плод кој не го видел своето утро“, рече обвинителката во завршните зборови.Една седмица пред трагичниот настан Диана му кажала на сопругот дека е бремена, а пред убиството и обвинетиот знаел дека Диана е бремена. „Со смртта на Дијана е уништен еден плод кој не го видел своето утро“, рече обвинителката.Диана со сопругот имаат едно дете, осумгодишната Јана, која од раѓањето е болна од церебрална парализа и по смртта на нејзината мајка нема кој да се грижи за неа, бидејќи и таткото бил опериран.На судењето кое е во тек е испитување на сведоците./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.