Забава
Прва колективна венчавка во Босна и Херцеговина

Во Приедор денеска е одржано првото колективно венчавање во кое 10 парови истовремено го изговориле судбоносното „Да“, пренесува СРНА.
Во Приедор денеска е одржано првото колективно венчавање во кое 10 парови истовремено го изговориле судбоносното „Да“, пренесува СРНА.
Оваа колективна венчавка во Република Српска и Босна и Херцеговина е организирана на платото пред општинската зграда, каде организаторите општината Приедор и Информативно-работниот центар „Козарски весник“, приредиле свадбена церемонија. Свечениот чин го одржале градоначалникот Марко Павиќ и матичарот Радмила Зориќ.
Новиот брачен пар Даниела Тадиќ и Александар Машиќ, рекле дека ова е феноменално случување какво што не можеле ни самите да замислат.„Се надеваме дека овој вид на венчавка ќе прерасне во традиција“, нагласи Александар, додавајќи дека тој и сегашната негова сопруга заедно живеат 11 години и имаат три сина.
Градоначалникот Павиќ, рече дека ова е прв пат за шест години, колку што тој е градоначалник, да прифати да венчава 10 пара одеднаш.
„ Се надевам дека ова ќе прерасне во една убава традиција, бидејќи венчавката сама по себе е нешто прекрасно што им се случува на луѓето. Тоа е почеток на засновање на семејство поради што и прифатив да го сторам овој чин и општината да биде покровител“, рече Павиќ, кој додаде дека за венчавка иако се потребни многу пари, сепак тие почнале со скромен буџет.
По обавувањето на законската процедура, младинците размениле прстени, а потоа следувал и шампањ и свадбена торта. Павиќ им подарил пликоа со по 300 конвертабилни марки, за сите одбрани парови „Козарски весник“ им изнајмил венчаници и бидермаери, а обезбеден им е и албум со фотографии и видео запис во соработка со продукциската куќа „Дигитал ер“.
Пред општинската зграда приреден е и пригоден коктел, а младенците и заинтересираните граѓани ги забавува тамбурашки оркестар./крај/срна/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Концерт на групата „Гром“ во „Хераклеја“, специјален гостин Ален Славица

Македонската група „Гром“ со концерт на 2 јули на „Хераклеја“ ќе одбележи јубилеј, 45 години на музичката сцена.
„Гром“ се присутни на македонската музичка сцена од младинските рок гитаријади во 70-те, до Скопскиот фестивал, Мак Фест итн.
Концертот ќе почне во 21 часот, а настанот е во рамките на БИТ ФЕСТ 2025.
Специјален гостин на концертот ќе биде познатиот хрватски пејач Ален Славица.
Влезници по цена од 300 преку мкtickets, како и на билетарата на Хераклеја.
Забава
Знаци што покажуваат дека не внесувате доволно протеини

Често слушаме колку е важно да внесуваме доволно протеини, но многу луѓе сè уште се прашуваат дали ги задоволуваат своите дневни потреби.
Протеините се клучни за поправка на клетките, одржување на мускулите, хормонска функција и имунитет.
Ако не внесуваме доволно, може да се појават разни симптоми, кои често се игнорираат или им се припишуваат на други причини. Препорачаното дневно внесување е 0,8 грама на килограм телесна тежина, но вистинските потреби зависат од возраста, нивото на активност и од здравјето.
Луѓето во одредени животни фази, како што е перименопаузата, честопати имаат потреба од поголемо внесување. Нутриционистите Ребека Блејк, Тамар Самуелс и Даниел Пашко објаснуваат кои знаци може да укажуваат на недостиг на протеини.
Постојан глад
Ако не внесуваме доволно протеини, можеме да се чувствуваме како постојано да сме гладни, вели Самуелс.
„Зголемениот апетит може да биде природен начин на телото да се обиде да го зголеми внесувањето протеини за да ги задоволи своите нутритивни потреби“, објаснува таа за Параде.
Глад може да се појави и ако внесуваме доволно калории, но не доволно протеини.
Проблеми со косата, ноктите и со кожата
Бидејќи косата, ноктите и кожата се направени од протеинот кератин, недостигот може да предизвика видливи промени. Пашко истакнува дека недостигот на протеини може да доведе до опаѓање на косата и кршливи нокти, а Блејк додава дека кожата може да стане сува.
Според „УКЛА хелт“, сето ова се индикатори за недостиг на оваа важна хранлива материја.
Ненамерно губење тежина
Кога на телото му недостигаат градежните блокови за одржување на мускулната маса и на ткивото, може да се случи ненамерно губење тежина.
„Луѓето што јадат малку протеини често губат тежина иако не сакаат, што укажува на недоволно внесување“, истакнува Самуелс.
Блејк додава дека ниските нивоа на протеини исто така може да предизвикаат губење на мускулите, што дополнително влијае на телесната тежина.
(Фото: ЕПА)
Забава
(Фото) Ријана обожава да привлекува внимание, дури и во поодмината бременост

Познатата пејачка Ријана го очекува своето трето дете, но тоа не ја спречува сè уште да биде една од најсексапилните жени на јавната сцена.
Иако во последно време изненадува повеќе со провокативни фотографии за промоција на својата колекција, Ријана е сè уште една од омилените пејачки.
Овој пат, папараците ги фотографираа неа и нејзиниот партнер на пат кон ноќен клуб во Париз. Тие се потрудија да ги усогласат своите екстравагантни модни комбинации, а пејачката, во поодмината бременост, предизвика вистинска возбуда.
Ријана носеше црн фустан, кој има прорезови по целата должина, па затоа нејзината долна облека беше целосно видлива, како и нејзиниот труднички стомак.
Овој пар привлекува внимание на секој чекор, а Ријана покажа и во претходните бремености дека тоа воопшто не ја спречува да биде најпровокативната и најекстравагантна жена.