Македонија
СУНРРМ потпиша меморандум за соработка со бугарската Комисијата за јавен надзор на овластените ревизори
Советот за унапредување и надзор на ревизијата на Република Македонија (СУНРРМ) потпиша Меморандум за соработка со Комисијата за јавен надзор на овластените ревизори на Република Бугарија.
„Потпишувањето на овој Меморандумот за соработка со Комисијата за јавен надзор на овластените ревизори на Република Бугарија, претставува голема потврда и успех во работењето на СУНРРМ Република Македонија и потврда за високите европски стандарди кои ги следиме и кои ги имплементираме во нашето работење, и следствено на тоа се проширува и бројот на потпишани Меморандуми за соработка со регулаторни органи на земји членки на Европската Унија“, истакна Претседателката на Советот за унапредување и надзор на ревизијата на Република Македонија (СУНРРМ) Соња Ѓелова – Стојанова.
Таа во рамките на својата работна посета на Република Бугарија заедно со претседателот на Комисијата за јавен надзор на овластените ревизори на Република Бугарија Вања Донева во Софија, остварија работен состанок во Амбасадата на Република Македонија во Република Бугарија, каде уште еднаш беше изразено големо задоволство за воспоставената соработка во областа на ревизијата помеѓу овие тела на двете држави.
Во однос на предвидените идни меѓународните активности на кои интензивно работи (СУНРРМ), Претседателката Соња Ѓелова – Стојанова посочи дека Советот за унапредување и надзор на ревизијата на Република Македонија успешно ги завршил преговорите со Одборот за надзор од јавен интерес на сметководствената професија на Романија и во претстојниот период ќе биде реализирано потпишување на Меморандум за соработка, а дека воедно активно се преговара и со Одборот за јавен надзор на ревизијата на Република Хрватска кој се очекува да резултира со успех до крајот на 2015 година. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.