Култура
Објавена книгата за деца што ја напиша Обама

Новата книга на американскиот претседател Барак Обама „За тебе пеам: порака до моите ќерки“ (Of Thee I Sing: A Letter to My Daughters) инаку посветена на сопругата Мишел Обама, ќе се појави во вторник, објавија американските медиуми
Американскиот претседател Барак Обама со помош на неговите ќерки Малија и Саша ја напиша оваа книшка наменета за деца на возраст над три години, дури откако стана прв човек на најголемата светска сила. Во книгата раскази за 13 истакнати Американци, станува збор и за претседателот Џорџ Вашингтон, легендарниот главатар на индијанскиот народ Сијукси Бикот кој седи, големиот научник Алберт Ајнштајн, како и за првиот афроамериканец ѕвезда на американската професионална бејзбол лига Џеки Робинсон. Инаку и самиот наслов „Of Thee I Sing“ е фраза од американскат ародољубива песна „My Country“Книгата ј аиздава издавачката куќа од Њујорк „Рендом Хаус“ (Random House) во првичен тираж од 500 илјади примероци. Според најавите од издавачот, доколку биде пројавен интерес, „Рендом Хаус“ ќе пласира дополнителен тираж.„Ниту претседателот, ниту неговите ќерки нема да бидат вклучени во маркентиншката кампања“, изјавил на брифингот со новинарите, портпаролот на Белата куќа Роберт Гибс. Издавачката куќа потврди дека не е планирано да има вообичаени средби со авторот или интервјуа во медиумите поврзани со објавувањето на книгата.Како што пишуваат американските медиуми, книгата е напишана во жанрот на постапна обработка, при што Обама им поставува прашања на своите ќерки, одговарајќи самиот на нив со приказни – параболи.„Ви кажував ли, дека тоа се творечки луѓе“, го поставува на едно место грижлиивиот татко прашањето во расказот за уметницата мајтор на магискиот реализам Џорџија О’Киф, „која ни помогна да ја согледаме убавината во малото: цврстината на каменот и леснотија на пердувот“. Другите човечки квалитети се претставуваат преку другите ликови, така Џеки Робинсон е храбар, Алберт Ајнштајн е паметен, Били Холидеј ја има својота песна, а првата Американка добитничка на Нобеловата награда за мир, социолог и философ Џејн Адамс е – добра и хумана.Илустрации за книгата се изработени од уметникот Лорен Лонг, еден од најдобрите илустратори The New York Times, кој повеќепати има работено на илустрирање книги со познати личности.„По читањето на книгата на Обама, посакав само една работа – да ги споделам содржаните во неа големи идеи со своите два сина“, признава Лонг за медиумите.Книгата, којашто на корицата е илустрирана со слики на Малија и Саша со првиот пес на САД – Бо, според извештаите на онлајн книжарниците Barnes & Noble и итнернет страницата Amazon.com, веќе е лидер според бројката на нарачки однапред. Сепак, во вистинските книжарници се уште нема голема попбарувачка, затоа што книгата не се очекува.Средствата од продажбата на книгата ќе одат за финансирање на стипендиите за децата на загинатите или ранети американски војници.„За тебе пеам: порака до моите ќерки“, е првата книга за деца на претседателот Обама, но и не и прва воопшто. Претходно американскиот претседател објави уште две книги кои станаа бестселери „Смелоста на надеждта“ и „Сништата на мојот татко“ кои му донеса заработка од повече од пет милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Награда во Еквадор за „Јон Вардар против галаксијата“

Првиот македонски анимиран долгометражен филм „Јон Вардар против Галаксијата“ ја освои наградата за најдобар долгометражен филм на 9. Филмски фестивал во Портовјехо, Еквадор.
Фестивалот се истакнува по својата програма која промовира иновативни и храбри филмски дела од целиот свет. Ова е четврта фестивалска проекција на филмот во Латинска Америка, по претходните успешни учества во Аргентина и Бразил.
„Чест ми е што Јон Вардар ја продолжува својата галактичка одисеја низ Латинска Америка, тоа е признание не само за нашата екипа, туку и за целата македонска анимација. Топлината и љубопитноста на оваа публика совршено се поклопуваат со бунтовниот и хумористичен дух на филмот“, вели режисерот Гоце Цветановски.
Балканскиот хумор, сатиричниот тон и универзалните теми на филмот ја освојуваат и латиноамериканската публика.
Филмот е во сценарио и режија на Гоце Цветановски, арт директор е Михајло Димитриевски – Тхе Мичо, продуцент е Алан Кастиљо, а главните улоги ги толкуваат Жарко Димоски, Емилија Мицевска и Дамјан Цветановски.
Култура
„Голдберг варијациите“ на Бах во изведба на Дино Имери – утре во Виена

Македонскиот пијанист Дино Имери, еден од највпечатливите уметници на својата генерација, утре (13 јуни) ќе настапи во Виена – глобалниот и историски центар на класичната музика. На програмата е капиталното дело на Јохан Себастијан Бах – „Голдберг варијации“, кое ретко се изведува на концертните сцени низ Европа, токму поради неговата исклучителна сложеност и длабочина.
Концертот ќе се одржи во престижниот „Бехштајн Центрум“ во Виена, во организација на Амбасадата на Република Северна Македонија, со поддршка од Македонско-австрискиот бизнис клуб и компанијата SSB Infrastructure-Austria.
Ова дело, коешто Имери премиерно го изведе во Скопје во рамки на „Недела на Бах“, привлече големо внимание од публиката и критиката. Програмата бара техничка виртуозност и уметничка зрелост, а само мал број пијанисти во светот се осмелуваат да го стават во својот концертен репертоар.
„Настап во Виена е сон на секој уметник. Особено ми е чест да ги изведам ‘Голдберг варијациите’ – едно од најмонументалните дела на класичната литература, на сцена пред публика која секојдневно слуша врвни уметници и програми. Работев на ова дело повеќе од пет години. Искрено им се заблагодарувам на Н.Е. г-дин Освит Росоклија и на поддржувачите на концертот – без нив оваа реализација немаше да биде можна“, изјави „волшебникот на пијаното“ Дино Имери пред настапот.
Концертот е со слободен влез и отворен за сите љубители на класичната музика.
Култура
Фестивалот Credence Dance почнува на 16 јуни

Третото издание на фестивалот Credence Dance започнува на 16 јуни, а ќе трае до 21 јуни со програма конципирана тематски, Вечери на класичен балет и Вечери на современ танц.
Фестивалот оваа година има и дополнителна програма која ќе се состои од работилници и трибини. На програмата се фрагменти од бисерите на класичното наследство „Лебедово езеро“, „Рајмонда,“„Копелија“, „Дон Кихот“, „Силфида“ и други.
Освен тоа во делот на модерниот и современиот танц премиерно ќе бидат изведени дела на Игор Киров, Бојан Мицов, Џонс Хинг, Франциско Руиз и Јована Петровска кој кореографите наменски ги подготвија за фестивалот.
Овогодинешниот Credence Dance фестивал ќе понуди ексклузивни гости од Кина, САД, Италија, Франција, Германија, Велија Британија итн. Ова е исклучителна и ретка можност да се видат овие уметници на домашна сцена.
Во рамки на фестивалот традиционално ќе биде врачена Наградата за трајни вредности во танцовата уметност. Настанот се одржува во Националата опера и балет.
Фестивалот е поддржан од Министерството за култура и Универзитетот „Св Кирил и Методиј“, Скопје. Влезот е слободен.