Забава
Британските научници ја најдоа формулата за идеален тост со сирење
Британските научници експериментално дефинира како треба да се употребат сирењето и лебот, како да се насечат, со која должина и на какво растојание од изворот на топлината за да се подготви највкусниот тост со сирење, објави на својата страница Кралското здружени за хемија.
„Тестовите кои ги спроведовме во кујната на нашиот Хемиски центар, покажаа дека совршен тост може да се добие со загревање на скара на 50-грамско парче сирење, како на пример чеддер (популарно англиско сирење со вкус на орев, малку зачинет и со киселкаст вкус), на парче од бел леб со дебелина од 10 милиметри.Тостот со сирење мора да се наоѓа на растојание од 18 сантиметри од изворот на топлина, во нашиот случај температурата на скарата изнесуваше 115 степени Целзиусови, и неопходно е да се подготвува 4 минути, за цврстината и вкусот да бидат најдобри“, појаснува Рут Нил, од Кралското здружени за хемија во Лондон.
Рут Нил и Најџел Вајт од Британскиот совет за сирење спровеле серија експерименти со тостовите со сирење на скара, и секогаш променувале само еден параметар. Степенот на растојание на тостот од изворот на топлина тие го определиле според еднаква температура на површината на сирењето на сите површини на тостот, текстурата на сирењето и вкусот на тостот.
Во првата серија експерименти, истражувачите ја утврдиле оптималната оддалеченост на тостот од изворот на топлина. Тие откриле дека сирењето најдобро се растопува рамномерно на најголемото можно растојание од грејниот елемент и на тој начин станува највкусно и ја зачувува густината (цврстината).
Истражувачите потоа го пресметувале времетраењето потребно да се направи највкусниот тост. Тие започнале со 3,5 минути, постепено зголемувувајќи го времето на приготвување и запреле на четири минути. На крајот, тие испитувале како сирењата (станува збор за вид сирења што во македонски услови се слични на кашкавал) се топат најдобро, исечени тенко или рендани. Истражувачите потоа дефинирале и кои видови сирење и леб најдобро си одовараат.
Нил и Вајт не негираат дека нивната работа самата посебе нема научна вредност, но ја гледаат нејзината вредност во тоа што ја покажува суштината на научниот пристап кон каков и да е проблем./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.