Култура
Концерт на Сафадиски песни и поезија за Битола
Вечерва во 20,30 ч. во рамките на културната манифестација Бит Фест, во Завод и музеј Битола во Концертаната сала, ќе се одри коцерт на сарфадски песни со Даниела Димова – сопран и Жанет Бенун – пијано, а во Магаза од 21 часот ќе се одржи манифестацијаат Поетите пеат за Битола
Бугарското дуо кое ќе настапи со еврејски песни го сочинуваат сопранот Даниела Иванова Димова дипломирала на музичката академија „Панчо Владигеров“ во Софија соло пеење во класата на проф. Реса Коилева. Има завршено повеќе специјализации, а магистрирала кај проефсор Маргарита Лилова на Виенската музичка академија. Во Италија специјализирала „бел канто“ кај проф. Ида Фарина од Милано. Добитничка е на прва награда за соло пеење Националниот Фестивал на опера и балет во Стара Загора и прва награда на Фестивал во Јужна Кореја. Гостувала во повеќе земјим Шпанија, Белгија, Швајцарија, Италија и тн.Жанет Бенун Николаева е родена во Русе, Бугарија. Дипломирала пијано на Музичка академија во Софија. Жанет е професор по пијано во Русе. Има гостувано во повеќе земји.Мотивот за организирање на едно вакво гостување е во нејзината програма и моќна интерпретација. Имено се работи за изведба на Сарфадски песни од 14 век, кои еврејскиот народ ги донел со себе при доаѓањето на Балканот. Тие песни се живи и денеска низ македонскиот и мелосот на другите балкански народи. Чуството да се слушнат тие песни во оригинална изведба на автентичен напев и јазик е повеќе од возбудливо. Вечерва ќе бидат изведени „Морена ме“, „иламан“, „Адио Керидо“, „Каминандо пор ла страда“, „Адио керидо“, „Алта, Алта алта е ла луна“ идр.Битола како град е најзастапен во перата на македонските поети. Со цел да се доближи поезијата до граѓаните на Битола, а и пошироко, извршен е избор од поезијата во која е опеана Битола и направено е сценарио. Стиховите од повеќе автори од Битола и пошироко се надоврзуваат едни по други градејќи целина која како дијалог ќе биде презентирана од актерите Соња Ошавкова и Душко Јовановиќ, пропратена со музика. Исто така ќе биде поставена изложба на песните од кои е црпен материјалот за подготовка на сценариото. Изборот на поезијата и музиката го направи Благој Николов.Ваквиот приод на избор на поезија со драмско дејствие, во нашиот град се случува за првпат. Посетителите во 40 минутно траење, ќе уживаат во преубавите стихови за Битола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.