Забава
Убиецот на Џон Ленон пред комисија за помилување
Убиецот на Џон Ленон размислувал првин да го убие пејачот Џони Карсон или актерската дива Елизабет Тејлор наместо Ленон, но не може да се сети дали можна мета му била и Жаклина Кенеди, пренесува Асошиејтед прес
Убиецот на Џон Ленон размислувал првин да го убие пејачот Џони Карсон или актерската дива Елизабет Тејлор наместо Ленон, но не може да се сети дали можна мета му била и Жаклина Кенеди, пренесува Асошиејтед пресОва е дел од разговорот воден со 55-годишниот Дејвид Чепман на 7 септември во затворот „Атика“ со комисијата за помилување, чии делови денеска беа објавени. Во едно од неговите ретки интервјуа за медиумите, Чепмен ја спомена и Оназис како можна жртва, но пред комисијата изјавил дека може да се сети само на Карсон и Тејлор. Чепман е осуден на затворска казна од 20 години до доживотно, откако истрела пет куршуми во Ленон пред неговата зграда во Њујорк. Тој се изјасни за виновен за убиство од втор степен. Како што и претходно изјавуваше, тој го одбрал Ленон затоа што најлесно можел да дојде до него. „Имав список на луѓе и тој беше на врвот и ми се чинеше како најдостапен“, одговара Чепмен на прашањето зошто го одбрал Ленон и додава дека целите во тој момент не биле битни, туку битен бил само тој самиот и дека ако не го убиел Ленон, ќе убиел некој друг. Според едно интервју објавено уште во 1987 година, други потенцијални мети биле поранешниот соработник на ленон од групата „Битлс“, Пол Макартни, актерот Џорџ Скот, тогашниот гувернер на хаваи Џорџ Аријоша и тогашниот претседател, Роналд Реган. Чепман вели и дека мотивација му било моментално незадоволство со себе си, но дека се га разбира оти направил катастрофална грешка. „Чувствував дека со тоа што ќе го убијам Ленон ќе станам некој, но наместо тоа станав убиец, а убијците се ништо“, вели сега Чепман. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.