Македонија
Ставриќ и оштетениот со различни верзии за примањето поткуп
Докторот офталмолог Дејан Ставриќ и пациентот Владо Кузмановски на повтореното судење за поткупот од 2.000 евра пред судот изнесоа различни верзии за случајот.
Оштетениот тврди дека Ставриќ му побарал 2.000 евра за да посредува за да добие инвалидска пензија, додека Ставриќ тврдеше дека му предложил на пациентот операција во приватна клиника кај лекар од Белград за многу пониска цена.Кузмановски во својот исказ рече дека Ставриќ го оперирал и дека по операцијата му рекoл дека нема да може да работи и дека треба да побара инвалидска пензија. Му ветил дека тој ќе посредува за да добие пензија и му побарал 2.000 евра, 500 евра за него и по петстотини евра за другите тројца членови од Комисијата за оцена на работна способност при ПИОМ.Кузмановски истакна дека имал само 1.000 евра, но решил да пријави во полиција која му ги дала парите по што со Ставриќ се договорил да се чека во кафеана на Железничката станица во Скопје.„Кратко седевме, тој не ми даде никаква потврда дека со сигурност ќе добијам инвалидска пензија што беше некоректно од негова страна и ми ги побара парите. Јас му ги дадов под маса, отидов да платам кафе и тогаш дојде полицијата“, вели Кузмановски.На прашања од одбраната на Ставриќ кои се однесуваа за неговата дијагноза, лечење, дали воопшто добил инвалидска пензија, иако почна да одговара подоцна Кузмановски рече дека кажал сè и дека не сака повеќе да одговара на прашања.Ова според адвокатката на Ставриќ, Светлана Савиќ е обид оштетениот да ги избегне незгодните прашања бидејќи исказот му е научен напамет.Ставриќ, пак, потврди дека го оперирал Кузмановски, но потенцираше дека воопшто нема никаква врска со конзилијарното мислење за добивање на инвалидска пензија за кое Кузмановски зборуваше.„Поради сериозноста на повредата и тоа дека со операцијата која јас ја направив немаше драстични промени во здравствената состојба му предложив во приватната клиника „Коренеа медика“ доколку сака да го ставам на ред за операција кај познат офталмолог од Белград, кој беше гостин на клиниката, со што ќе му овозможам да се оперира за многу пониска цена бидејќи таква операција чини од шест илјади евра, па нагоре“, рече Ставриќ.Кузмановски се согласил на ова, но рекол дека треба да најде пари. Кога дошол во Скопје иако требало да дојде во клиниката, Кузмановски според Ставриќ инсистирал да се сретнат на Железничката станица и потенцирал дека не може да се задржува бидејќи имал врзана карта и морал веднаш да се врати во Прилеп каде што живее.По барање на Јавниот обвинител и на одбраната кои предложија нови сведоци судењето беше одложено за средината на мај за кога треба да бидат повикани членовите на Комисијата при ПИОМ кои треба да бидат сослушани.Ставриќ беше уапсен во мај 2014 година под сомнение дека противзаконски примил 2.000 евра, според кое, тој при медицински преглед на Клиниката за очни болести – Скопје дијагностицирал болест на очите кај еден пациент, за што му рекол дека со таква дијагноза повеќе не ќе можел да работи и дека за парична награда може да му посредува за инвалидска пензија. Откако беше осуден на казна затвор од една година, Апелациониот суд го врати случајот на повторно судење.Ставриќ ги предводеше протестите на лекарите против моделот за плаќање по учинок. /крај/тлг
Извор: Телеграф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.