Култура
Општествената вредност на културното наследство во Европа
Наследството на Република Македонија е дел од европското и светското културно наследство и претставува вредност со општо цивилизациско значење, рече министерката за култура Елизабета Канческа – Милевска
Наследството на Република Македонија е дел од европското и светското културно наследство и претставува вредност со општо цивилизациско значење, рече министерката за култура Елизабета Канческа – Милевска на денешното обраќање на конференцијата „Општествената вредност на културното наследство во Европа“.
Целта на конференцијата на министрите за култура на земјите-членки на Советот на Европа, која денеска и утре се одржува во Скопје, а која е дел од македонското претседателство со Комитетот на министри на Советот на Европа како што рече министерката Милевска е да се придонесе кон засилување на интегрираниот пристап во третманот на културното наследство меѓу земјите-членки на Советот на Европа.
„Во насока на остварување на нашата голема стратешка цел, интеграцијата на РМ во Европската Унија, во овој клучен момент кога Република Македонија е претседавач со Комитетот на министри на Советот на Европа, ја реализираме и оваа конференција, „ Општествената вредност на културното наследство во Европа“, со која испраќаме суштинска порака за значењето на културното наследство како мост за поврзување на традицијата со денешницата, врска меѓу времето и просторот, меѓу народите и генерациите“, посочи Милевска.
Таа изрази уверување дека ќе даде силен импулс кон продлабочување на пошироката и регионалната соработка меѓу државите кои имаат водечка улога во промоцијата на нови и одржливи методи за зачувување и користење на културното наследство.
И вицепремиерот Васко Наумовски кој се обрати пред претставниците од земјите-членки на Европа рече дека конференцијата е од големо значење имајќи предвид дека вредностите на Европа доаѓаат токму од разновидноста на културното наследство кое секоја држава членка го носи со себе како национално обележје.
„Македонското претседателство има за цел за јакнење на фундаментално принципи и вредности на оваа организација во годината кога се слави 60 – годишнината од донесувањето на европската Конвенција за човекови права, 25- годишнината на европската Конвенција за заштита на архитектонското наследство но и планираното стапување на сила на Рамковната конвенција за вредноста на културното наследство за општеството“, рече Наумовски.
Два важни документа во рамки на конференцијата треба да бидат усвоени попладнево – „Агенда Скопје“ и ФАРО – Рамковна конвенција за општествена вредност на културното наследство во Европа. Република Македонија ќе биде десетта потписничка на Конвенцијата ФАРО, со која ќе се прифатат препораките на Советот на Европа за примена на современ и одржлив третман на културното наследство.
Со усвојувањето „Скопје Агенда“, Македонија ќе стане лидер во регионот во мониторингот и евалуацијата на проектите на СЕ во областа на заштитата на културното наследство во период од три години, почнувајќи од јануари 2011.
Роберт Палмер, Директор за култура и културно и природно наследство, Совет на Европа кој ја промовираше теоретската експликација на иницијативата “Скопје Агенда“ рече дека таа е дизајнирана да ги опфати европските предизвици и да се осврне на нив, при тоа промовирајќи поотворен дијалог меѓу земјите од Европа.
Утре во рамките на конференцијата е предвидено да биде промовиран Советот на министри за култура на црноморскиот регион, по примерот на постојниот Совет на министри за култура на ЈИЕ.
За време на министерската конференција планирано е и да бидат потпишани и билатерални програми за соработка во културата со Бугарија и Словенија.
На конференцијата учествуваат 48 делегати од 23 земји-членки на СЕ, министрите за култура на Бугарија, Хрватска, Србија, Црна Гора и Азербејџан, замениците-министри на Ерменија, Украина, Молдавија и Грузија и државните секретари за култура на Романија и Словенија, како и стручни претставници од меѓународни организации посветени на заштитата на културното наследство, а Грција испрати претставник на експертско ниво. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
„Лена и Владимир“ награден на Julien Dubuque International Film Festival
13. издание на Меѓународниот филмски фестивал Julien Dubuque (JDIFF) ги објави своите победници, a „Лена и Владимир“, во режија на Игор Алексов, ја однесе дома главната награда за најдобар долгометражен игран филм.
На фестивалот, кој се одржа од 24-28 април во Дубјук, Ајова, беа прикажани преку 150 филмови од целиот свет, вклучително и 31 долгометражен филм во конкуренција, а филмот „Лена и Владимир“ на фестивалот го промовираа актерот Тони Наумовски и режисерот Игор Алексов.
„Лена и Владимир“ е приказна за двајца бегалци од општеството кои доживеале огромна трагедија, а чии патишта случајно се вкрстуваат. Тие наоѓаат утеха и поврзаност, формирајќи врска што им носи исцелување. Филмот е финансиски поддржан од Агенцијата за филм на Македонија и Филмскиот центар на Србија (Терирем продукција).
Главните улоги ги толкуваат: Сара Климоска и Тони Наумовски, а во филмот се појавуваат и Дениз Абдула, Луран Ахмети, Петар Мирчевски, Петре Арсовски, Благоја Чоревски, Kирил Коруновски. Сценариото е на Александар Русјаков. Продуценти се Дејан Илиев (ДМФ Филм) и Илија Циривири (МИНД Продукција). Кинематографер е Душан Кардалевски, сценографијата е на Влатко Зафирковски, а монтажер е Мартин Иванов, Музиката е на Дарко Спасовски и Горан Керкез, костимограф е Раде Василев, дизајнер на маска е Горан Игњатовски, а кастинг директор е Катерина Грубач.
Култура
Отворање на прославата за 50-годишнината на Францускиот институт и затворање на 20. „Танц-фест“ со танчарската претстава „Мозаик“ на светски познатиот кореограф Мурад Мерзуки
Францускиот институт во Скопје и „Танц-фест“, по повод отворањето на прославата на 50 години постоење на Францускиот институт во Скопје и затворањето на јубилејното 20. издание на „Танц-фест“, го најавуваат ексклузивното гостување на француската театарска група „Кафиг“ со танцовиот перформанс „Мозаик“, в петок, 17 мај 2024, со почеток во 20 часот, во Македонскиот народен театар.
Кореограф на претставата е Мурад Мерзуки, еден од најзначајните кореографи со светско реноме денес, кому француската влада му ја довери кореографијата на официјалната церемонија на отворање на Олимписките игри 2024, со наслов „Танцот на игрите“.
Всушност, по огромниот успех на танцовиот перформанс „Пиксел“ во 2017 година во рамките на „Танц-фест“, Мурад Мерзуки и групата „Кафиг“/Käfig се враќаат во Скопје со најновиот танцов спектакл „Мозаик“.
На настанот збор ќе земат: Иго Бештел, директор на Францускиот институт во Скопје, и Рисима Рисимкин, директорка на „Танц-фест“.
Билетите за претставата се достапни на веб-страницата на Македонскиот народен театар.
Во фоајето на МНТ исто така ќе биде поставена ретроспективната изложба „50 години Француски институт во Скопје“, која го прикажува дејствувањето на Францускиот институт во текот на изминатите педесет години.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.