По завршувањето на состаноткот на работната група за излез од политичката криза, составена од претставници на  ВМРО-ДПМНЕ, СДСМ, ДУИ и ДПА, за спроведување на договорот од Пржино, во понеделникот никој не откри детали, а во вторник продолжува расправат за специјалниот обвинител.
 

По средбата, која во Клубот на пратеници траеше пет часа, претставниците на партиите не дадода изјави за медиумите. Зад затворени врати состанок имаа Никола Попоски и Никола Тодоров од владеачката ВМРО-ДПМНЕ, Цветанка Иванова и Дамјан Манчевски од опозициската СДСМ, Муса Џафери и Артан Груби од ДУИ и Имер Алиу од ДПА, а присуствуваше и белгискиот европратеник Питер Ван Хојт. Како што се дознава неофицијално, партиските претставници успеале да ги доближат ставовите по прашањата поврзани со пречистувањето на избирачкиот список и со зголемувањето на надлежностите на Државната изборна комисија, а за вторник езакажана средба на работната група, на која треба да се дискутира само за специјалниот обвинител. Претставниците не успеале да ги доближат ставовите за гласањето на дијаспората.За вторник е закажана средба на работната група на чиј дневен ред ќе биде специјалниот јавен обвинител.Според договорот од Пржино специјалниот јавен обвинител ќе треба да ги истражува сите сомневања што произлегуваат од прислушуваните разговори на високи државни функционери, кои ги објавува опозицијата од февруари годинава. Медијатор за оваа тема е ирскиот експерт Џејмс Хамилтон. Специјалниот јавен обвинител треба да биде избран најдоцна до 15 септември, две недели по враќањето на опозицијата во Собрание.Опозицијата најави дека материјалите од прислушуваните разговори ќе ги предаде на новиот специјален обвинител кој според договореното треба да има целосна автономија во своето работење, стручен тим соработници и да не биде временски ограничен./крај/мф/бб