Култура
Отворен 23-тиот Саем на книгата
Саем на книгата се одржува од денес до 17 април во „Метрополис арена“ на Скопски саем.
Саем на книгата се одржува од денес до 17 април во „Метрополис арена“ на Скопски саем.Мотото на годинашниот Саем на книгата, 23-ти по ред, е „Подари книга, подари богатство“, поддржувајќи ја токму книгата како најсоодветен подарок за сите пригоди: родендени, имендени, јубилеи, празници. Со помасовно подарување книга, сите засегнати страни во процесот на подарување добиваат: оној што подарува – подарува вредна работа, оној што го добива подарокот – добива нешто што останува, нешто што облагородува.„Со текот на времето одредени симболи станале синоним за луксуз. За луксузен комфор се оди во хотел со пет ѕвезди, ако ни треба престижен транспорт може да се вози мерцедес, за луксузна гозба ќе помислиме на кавијар и шампањ, но, како што вели Хенри Милер, само читајќи книга ѝ овозможуваме луксуз на душата. Книгата има некоја натприродна моќ која може да ни овозможи патувања, рефлексии, емоции, дилеми и потврди“ – нагласи Гвидо Омладиќ, претседател на управата на групацијата ЕРА и претседател на Управниот одбор на Скопски саем.На синоќешното отворање на саемот присуствуваа премиерот Никола Груевски, министрите за култура и за образование Елизабета Канческа – Милевска и Никола Тодоров, Матеја Матевски, лауреат на годинашниот Златен венец на Струшките вечери на поезијата, амбасадори, пратеници во Собранието на РМ, издавачи и книжевни дејци.„Во книгата се стапува како во драг дом, како во куќа на пријател на кого му ги носиме како подарок нашата приврзаност, љубов и љубопитство, а таа ни дарува сеќавања на неа, препознавање на самите нас дека сме биле во неа и дека уште сме. Саемот на книгата е свеченост на создадениот и соопштениот збор во неа. Збор што ни е упатен на сите. Тој збор тука и насекаде каде што се наоѓа ги отвора ширум своите благородни врати, замрсените и измешаните древни јазици од приказната „Кула вавилонска“ тука говорат јасно, секој со својот глас. Говорат за себе и за сите во заеднички разговор и разбирање. За тоа сме и благодарни на книгата, на обединителката што има добра мисла и убав збор за секого“ – изјави поетот и академик Матеја Матевски на отворањето на Саемот на книгата.На 23-тото издание на Саемот на книгата, 4.000 квадратни метри ќе бидат исполнети со издавачи преку Здружението на издавачи и книжари, Здружението на албански издавачи, изданија на голем број домашни и странски автори преку издавачите и нивните застапници од Македонија, Србија, Хрватска, Словенија, Бугарија, Албанија, Италија, Велика Британија.„Книгите со својата вечна убавина насекаде низ светот, па и кај нас, се основа на националната култура и богатство кое ни ги отвора животните хоризонти, која ни ги доближува светот на непознатото и нè облагородува со духовни вредности и знаење. Саемот на книгата е водечки настан за љубителите на пишаниот збор во Македонија. Пред нас се денови во кои читателската јавност ќе има можност да ги почувствува сите кулминации и еквилибриуми на бројните македонски и светски автори, голем број изданија од најновата книжевна продукција, стручна и научна литература, белетристика, едукативни книги и прирачници проследени со бројни промоции, тематски средби и пригодни изложби“ – изјави премиерот Никола Груевски.„Оваа година на Саемот на книгата се одлучивме да го претставиме македонското творештво и богато културно наследство. На промотивен штанд домашната читателска јавност ќе може да се запознае со сите литературни изданија кои се реализирани под слоганот „Откријте ја Македонија – Македонија вечна“, а се дел од неколку крупни проекти кои во изминатиот период ги реализираше Владата на Република Македонија. Тука се делата од проектот „130 тома македонска книжевност“, дела од проектот „Превод на литературни дела на добитници на Нобелова награда за литература“, како и голем број книги и учебници од големиот проект за превод на илјада стручни и научни книги кои се користат на врвните и најреномирани универзитети во САД и Велика Британија, а од областа на правото во Франција и Германија“ – нагласи премиерот Никола Груевски.Покрај веќе реализираните проекти, започна и проектот со кој делата објавени во рамките на „130 тома македонска книжевност“ ќе бидат преведени на англиски јазик, со што најдоброто од македонската книжевност ќе биде достапно до светската јавност. Првите десет книги од овој проект ќе бидат промовирани во рамките на годинашниот Саем на книгата.Во промотивниот центар во галеријата на „Метрополис арена“ на Скопски саем до 17 април секојдневно ќе се одржуваат промоциите на новите изданија на издавачите кои учествуваат на Саемот.Во рамките на акцијата која се реализира со мото „Подари книга, подари богатство“, на синоќешното отворање на 23-тиот Саем на книгата, Гвидо Омладиќ, претседател на управата на групацијата ЕРА и претседател на Управниот одбор на Скопски саем им подари комплети книги на премиерот Никола Груевски, на министерката за култура Елизабета Канческа – Милевска, како и на академик Матеја Матевски, лауреат на годинашниот Златен венец на Струшките вечери на поезијата.Саемот на книгата и годинава се одржува под покровителство на Министерството за култура на Република Македонија. /крај/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Музичкиот ансамбл во Република Северна Македонија – Тетово добива простории за работа на трајно користење
Владата на Република Северна Македонија донесе Одлука со којашто на Националната установа Музички ансамбл во Република Северна Македонија – Тетово, му се даваат на трајно користење, без надомест, простории кои се наоѓаат на улица „Тетово” б.б, Тетово, сопственост на Република Северна Македонија.
Задолжение да се реши просторното сместување на Н.У. Галерија Гостивар, формирана со одлука на Владата
Во врска со сместувањето на Н.У. Галерија Гостивар, формирана со одлука на Владата на Република Северна Македонија, по насока на претседателот на Владата, задолжено е Министерството за култура да ја разгледа постојната документација, испратена од Н.У. Галерија Гостивар до Владата и да излезе со предлог решение во врска со нејзиното трајно сместување.
Култура
Заокружена серијата мурали што го отворија 19. издание на АКТО-фестивалот за современи уметности
Серијата мурали во државата – акцијата со која и официјално се отвори најновото 19-то издание на АКТО-фестивалот за современи уметности, во организација на здружението Факултет на работи што не се учат – ФРУ од Скопје, е заокружена со последните два мурала во Кичево и Скопје.
Во центарот на кичевската чаршија, на Националната установа Центар за култура „Кочо Рацин“, на надворешната и на предната фасада е реализиран мурал од уметницата Ивана Самандова, во соработка со уметниците Александар Џинго и Методиј Исков. Идејата зад муралот е да поттикне размислување за потребата за соработување меѓу луѓето, особено во полето на уметничките и креативните контексти/дејности.
Во соработка со ФРУ – Скопје идејата за овој мурал е делумно инспирирана од релјефот на Јордан Грабулоски, македонски академски вајар и уметник, кој го има изработено на спомен-костурницата во Кичево. Од истиот тој релјеф композициски се презема инспирацијата да се преобрази во еден поинаков контекст преку кој се нагласува хармонична соработка помеѓу луѓето (во сооднос со самата порака), но и ја доловува функцијата на домот на култура – како простор каде што се негуваат културата и уметноста иницирани од индивидуалци и групи. Кога заедно би создавале и негувале услови во кои сите би се чувствувале поддржани едни меѓу други, преку заедничката соработка би се развила и здрава потреба за творештво во заедница во која едни со други, меѓугенерациски, си помагаме и го потхрануваме нашиот заеднички и индивидуален развој.
Муралот, кој се реализира во март во Скопје, на зградата што се наоѓа на булеварот Митрополит Теодосиј Гологанов, побуди позитивни чувства и кај соседните згради, така што резултира со уште една иницијатива за реализација на мурал како вид завршно заокружување на целиот проект и подарок кон станарите. Поткрепени со ентузијазмот на станарите во зградата и поддршка од ФРУ, уметницата Ивана Самандова во соработка со Ана Трајковска и Доротеј Нешовски реализира мурал на зградата бр. 37. На овој мурал е поставен цитат од Бертхолт Брехт, кој вели: „Наместо само да бидете слободни, создадете услови што ги ослободуваат сите!“ Со овој мурал фокусот е пренасочен на визуелни елементи со деца како симболика на реална слобода, особено во аспекти на однесување, изразување и размислување.
Преземајќи го извадокот од песната за солидарност од авторот Бертхолт Брехт, идејата е да се воспостави траен повик дека со поддршката, разбирањето и постапките на заедницата може да се создадат иницијативи и услови што ја ослободуваат истата заедница од повеќето форми на опресија и рестрикција водејќи кон поздрава и поволна состојба на живеење критикувајќи го строгиот и наметнат индивидуализам.
Серијата мурали (во Скопје, Прилеп и во Кичево), од кои два се во соработка со две јавни културни институции и уште два со две заедници по нивно барање, се темелат на концептите за солидарност, правдина, соработка и слобода, со надеж дека долго време ќе останат визуелен потсетник за неопходноста на борбата за да дојдеме до нив – со силата на заедништвото.
Култура
Самостојна изложба на Камуран Горанци, „Код 4“
Самостојната изложба на Камуран Горанци во објектот Чифте амам ќе биде отворена на 9. 5. 2024 година во 19 часот. Ќе бидат изложени 22 дела изработени во техниката акрилик на платно, кои се работени во периодот од 2020 до 2024 година.
Сликите имаат техничка еволуција од неговите претходни изложби, како што се „Код 1“ во Келн, Германија, „Код 2“ во Галеријата на Тирана во Албанија и „Код 3“ во Галеријата на Скадар во Албанија, како и оваа самостојно конципирана „Код 4“ во Националната галерија на Република Северна Македонија обележан со софистицираност на изразните средства и обид за филозофирање.
Овој уметнички настан се одржува во центарот на Скопје, каде што ги гледаме традицијата и современата комуникација, една многу важна улога во контекст на неговата креативна индивидуалност.
Во повеќето случаи сликата е граматичка анализа, композиција, а во исто време дезинтеграција на оние алатки што историски му биле доверени на уметникот да се манифестира таму каде што креативното и животното искуство континуирано се негувале низ годините и страсно го чувале и сакале хроматското богатство.
Боите во овие композиции се пастуозни, камени, расфрлени овде-онде, што означуваат експресивна состојба. Така, во овие случаи се претставени некои апстрактни експресионистички слики, иако со рамнотежа на топлина и студ, светло и темно, придружени со чудни форми и голи бои. Во овие слики од периферијата на сферата на боите се преминува на површината, каде што техниката на реализација изгледа важна. Тие се реализираат со максимум изразни средства, цртежот оди до границите на небитието за да се нагласи присуството на вредноста на убавината во една средина во која владее хаос и динамизам.
Сите слики во оваа свечена пригода се разработени врз чувствителноста и хармонијата, кои сега се присутни и кодирани од уметничкиот аспект, конечно фиксирајќи ја неговата реалност, слики и емоции во структурите на неговите соништа. Тој комуницира со љубов во универзална слика, која се наоѓа далеку од нашето постоење, како нешто пооддалечено од непознатото до познатото, на фигуративен, едноставен и ветувачки начин.
Да се замрзнат во нив суптилните односи меѓу боите, во специфичен израз, следејќи ја побарувачката за нови, поатрактивни слики за да се интервенира во невидливиот свет, кој секогаш е проследен со граница, а кои се појавуваат како конечни експлозии на вртоглав просторот, но не како оние на универзумот. Она што те привлекува во композициската конструкција е несомнено справувањето со логичките формации.
Преку него се создаваат монументални композиции, каде што деталите и најголемите мерки се решаваат со намалување и зголемување на колористичките траги за да се видат понатамошни специфични третмани во нивните рекомпозиции.
Зени Балажи, куратор