Македонија
Иванов: Сплотени сме во вакви моменти, потреба е поголема одговорност
Сплотени сме во вакви моменти со лидерите на политичките партии, бидејќи безбедноста на државата секогаш била над сé, a челницие на политичките партии треба да се однесуваат поодговорно, порача македонскиот претседател Ѓорге Иванов во обраќањето по завршувањето на вонредната седница на Советот за безбедност, посветена на антитерористичкат операција во Куманово. Заклучоците до медиумите ќе бидат доставени во следниот период.
Иванов рече дека со членовите на проширениот состав на Советот имаат конкретни насоки за соодветно постапување, но и дополнително ќе заседаваат.
„Спречена е намерата за координирани терористички напади на различни локации во државата кои имаа за цел на предизвикување на сериозна дестабилизација. Со преземената акција, полицијата имаше за цел да спречи цивилни жртви. Заради ова беа претпени човечки и материјални загуби“, рече Иванов.
Иванов најнапред во изјавата побара смиреност од граѓаните во овој, како што истакна, критичен момент за државата, изразувајќи жалење за осумте загинати припадници на специјалните единици во акцијата за неутрализирање на терористичката група во кумановската Дива населба во саботата и неделата,
„Најостро е осуден терористичкиот напад во Куманово, нема да дозволиме ескалирање на состојбата“, порача претседателот на Република Македонија.
Иванов нагласи притоа дека за вакви ситуации предупредувал од многу порано во своите обраќања и ја повика меѓународната заедница, во прв ред Европската унија и НАТО, да изнајдат решенија за деблокада за членство на Македонија, бидејќи „ваквата состојба е ризична, како за земјата, така и за регионот“.
„На Република Македонија овие два дена ѝ се случи она на што предупредував уште пред неколку месеци во моето обраќање на Советот за безбедност во Обединетите нации. Сторителите и сите инволвирани во овој терористички чин скапо ќе платат за тоа што се обидоа да ѝ го сторат на Република Македонија и на нејзините граѓани. Сакам јасно да ставам на знаење – нема да дозволиме ескалирање на тензиите. Правиме сé што е потребно за да не дојде до дестабилизација на државата и нарушување на меѓуетничките односи“, истакна Иванов.
Изрази жалење за загубените животи на припадниците на Министерството за внатрешни работи и побара мудрост од граѓаните, поддршка од лидерите на политичките партии да се однесуваат одговорно, како и од медиумите.
На седницата, покрај претседателот Иванов, присуствуваа претседателот на Собранието Трајко Вељановски, премиерот Никола Груевски, министрите за одбрана, за внатрешни работи и за надворешни работи, Зоран Јолевски, Гордана Јанкулоска и Никола Попоски, како и членовите на Советот за безбедност Вели Креци, Фљора Кадриу и Насер Сејдини.
Од Кабинетот на Претседателот информираат дека Иванов, согласно Деловникот за работата на Советот за безбедност, на седницата ги повикал и претседателот на најголемата опозициска СДСМ, Зоран Заев, како и двете најголеми партии на Албанците во Македонија, ДУИ која е дел од владејачката коалиција, Али Ахмети и на опозицската ДПА, Мендух Тачи. Заев беше присутен на седницата во вилата „Билјана“. додека на местото на Ахмети од ДУИ присуствува Талат Џафери, а Имер Алиу место Тачи од ДПА./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски: ДУИ оди во опозиција, бојкотот не им успеа, цензусот е исполнет
Повикот на ДУИ за бојкот не успеа, а денот ги извади на виделина игрите на власта. ДУИ посакува криза и преку бојкот сакаше да се факторизира. ДУИ изгуби, бојкотот не им е успешен, извесно е дека одат во опозиција, изјави Тимчо Муцунски, на првата прес-конференција на ВМРО-ДПМНЕ по гласањето на парламентарните и вториот круг од претседателските избори.
„Пропадна сценариото да се создаде криза во државата, се радуваме што е постигнат цензусот, извесно е дека Давкова е новиот претседател. Очекуваме уште подобар резултат од првриот круг, и уште вечерва да биде јасна сликата како ќе изгледа идната Влада на Република Македонија. Очекуваме да имаме резултат што ќе го отслика опозициското расположение во државата“, рече Муцунски додавајќи дека ДУИ е дел од криминална власт што станува минато.
Како што рече, народот излегол за да си ја врати Македонија, односно контролата врз системот бидејќи државата наместо на елитите треба да му припаѓа на народот.
ВМРО-ДПМНЕ оцени дека дека изборниот ден генерално поминал мирно, со поединечни нерегуларности. Муцунски објави дека неколку функционери биле фатени во илегални активности со поткуп и ги повика интитуциите да истражат и да го испитаат потеклото на парите.
Македонија
(Видео) Кузеска за скриениот бојкот во некои општини: Како настапи секоја партија на изборите, треба да одговори пред себе и пред граѓаните
Денеска имавме мирен, достоинствен и успешен изборен ден, изборите беа фер и демократски, како што доликува на земја членка на НАТО со почнати преговори за Европската унија. Констатирани се одредени неправилности, но сметаме дека се тие со незначителни во овој изборен процес, рече портпаролката на СДСМ, Богданка Кузеска.
Правото на глас и слободното одлучување се најзначајни придобивки во демократијата, додаде Кузеска.
Таа упати благодарност до граѓаните кои денеска гласаа, а изборите ги оцени како слободни, мирни, демократски и достоинствени.
Кузеска кажа дека граѓанската волја ќе одлучи по кој колосек ќе се движи Македонија понатаму.
Прашана како го коментира скриениот бојкот во општините каде што има доминантно албанско население, портпаролката на СДСМ кажа дека како настапила секоја партија на овие избори треба да одговори пред граѓаните и пред себе.
„СДСМ од самиот почеток повикуваа на масовност, граѓаните да го искористат својот глас. СДСМ никогаш не бил кочничар на било кои процеси кои ја носат државата напред“, рече Кузеска.
Македонија
(Видео) Џафери не го поддржа бојкотот на Артан Груби: Граѓаните ќе одлучат која политичка опција е најдобра за нив и за државата
Претседателот на Владата на Република Северна Македонија, Талат Џафери, денеска го оствари своето гласачко право во родното Форино и гласаше на вториот круг од претседателските избори и парламентарните избори.
Премиерот Џафери, во изјава за медиумите посака мирен и фер изборен ден, во кој граѓаните ќе можат со својот глас да одлучат кој ќе ги носи одлуките што се суштествени за земјата и кои се за остварување на нашите стратегиски цели.
„Очекувам изборите да бидат слободни и демократски. Граѓаните можат слободно да ја изразат својата волја, впрочем, тоа го покажаа и на 24 април. Очекувам денот да заврши исто како и на 24 април, односно мирно, со можност секој граѓанин да го искористи своето уставно право и да го направи изборот за кој што мисли дека е најдобар за него и за државата“, изјави претседателот на Владата, Џафери.