Култура
Потпишан меморандумот за културна соработка меѓу Македонија и Хрватска
Меморандумот на новата Програма за културна соработка меѓу Македонија и Хрватска беше потпишан од страна на македонската министерка за култура, Елизабета Канческа-Милевска и хрватскиот министер за култура, Јасен Месиќ.
Меморандумот на новата Програма за културна соработка меѓу Македонија и Хрватска беше потпишан од страна на македонската министерка за култура, Елизабета Канческа-Милевска и хрватскиот министер за култура, Јасен Месиќ.Програмата има за цел да им овозможи на институциите и уметниците непречена комуникација и соработка која ќе може да обезбеди реализација на низа заеднички претставувања и проекти.Канческа-Милевска потенцира дека од особена важност е реализацијата на изложбите кои се вклучени во новата Програма за соработка. Поточно, за изложбите „Невидливиот пејсаж“ и “Пресек на македонската ликовна сцена од независноста до денес“, во организација на Музејот на современата уметност во Скопје, во Р. Хрватска и изложбите „Современ хрватски дизајн“, во организација на Хрватското дизејнерско друштво и “Современа хрватска скулптура“, во организација на галеријата “Кловичеви двори“ од Загреб во Р. Македонија. Овие изложби ќе бидат убава можност, граѓаните на двете држави да се запознаат со уметничките тенденции на современата македонска и хрватска ликовна сцена. Министерството за култура на Република Хрватска на македонските експерти од областа на нематеријалното културно наследство, во текот на оваа година им помогнаа во изработката на три апликации за номинирање, впишување во Репрезентативна листа и заштита на нематеријалното културно наследство на човештвото на УНЕСКО. Соработката на овие две држави постои во сите дејности и досега е реализирана размена на голем број изложби, концерти, учеството на голем број истакнати хрватски и македонски уметници на меѓународните манифестации во двете земји.Исто така, Македонската филхармонија ќе одржи концерти во Загреб и во Вараждин, Младинскиот женски хор при КУД „Стив Наумов“ – Битола ќе настапи во Сплит, а македонските библиотеки ќе остварат богата соработка со библиотеките од Загреб и Задар. Вчера во Дубровник, министерката за култура Канческа-Милевска, присуствуваше и на свеченото отворање на 62-то издание на манифестацијата „Дубровнички летни игри“./крај/со/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.