Црна хроника
Малолетник и дваестгодишно момче тешко повредени во сообраќајка кај Струга
Малолетник и дваесетгодишно момче се тешко повредени во сообраќајка што се случила во понеделникот вечерта во 20.10 часот на магистралниот пат Подмоље – Струга кај крстосницата со локалните патишта за „Еврохотел“ и селото Мислешево.
Поради сериозноста на повредите, во општата болница во Струга задржано е дваесетгодишното момче од струшкото село Ливада, додека во болницата Св.Еразмо -Охрид задржан е малолетникот.Сообраќајката се случила при судир на два автомобили „голф“ со којшто управувало дваесет и четиригодишно момче од селото Франгово во кое бил малолетникот и автомобил „ауди“ управувано од дваесетгодишното момче.Возачот на „голфот“ не го испочитувал сообраќајниот знак „Стоп-задолжително запирање“ поставен на локалниот пат за „Еврохотел“, невнимателно се вклучил на магистралниот пат без да му отстапи првенство на минување на возилото „ауди“ кое по магистралниот пат се движело во правец од Охрид кон Струга.По овластување на Јавниот обвинител, полициски екипи, на местото на сообраќајната незгода извршија увид при што сообраќајот не бил запрен и се одвивал со пренасочување на возилата по споредни патишта. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Градоначалник трошел општински пари за време на избори, доби кривична пријава
СВР Струмица до Основното јавно обвинителство Гевгелија поднесе кривична пријава против градоначалник на една општина поради постоење основи на сомнение за сторено кривично дело – противзаконито располагање со буџетски средства за време на избори, по член 165-в од Кривичниот законик, информираат од МВР.
„Пријавениот извршил нередовни исплати на еднократна парична помош на 38 физички лица во вкупен износ од 195.000 денари согласно програмата за мерките и активностите на општината во областа на социјална заштита од буџетски средства за 2019 година. Имено, пријавениот ги извршил исплатите на 15.02.2019, 18.03.2019 и 12.04 2019, односно во период кога се распишани претседателските избори 2019 година, со што постапил спротивно на член 8-а став 1 алинеја 2 од Изборниот законик и член 34 став 1 алинеја 2 од Законот за спречување на корупција и судир на интереси“, се вели во соопштението.
Црна хроника
Полицијата казнува: Во Скопје се вози под алкохол, без возачка и се минува на црвено
Секторот за внатрешни работи Скопје во текот на вчерашниот ден продолжи со контролите во областа на сообраќајот.
На територија на град Скопје изречени се вкупно 123 мерки, меѓу кои за возење без возачка дозвола 21 санкција, девет мерки за минување на затворен сигнал (црвено светло), седум санкции за користење мобилен телефон при возење.
Изречени се пет мерки за некористење сигурносен појас, пет санкции за возење под дејство на алкохол…
Црна хроника
71-годишен возач на трактор заврши во болница со тешки повреди
Вчера во 12.16 часот во СВР Битола било пријавено дека во с.Новаци, Битолско, се случила сообраќајна несреќа помеѓу товарно возило „волво“ со полуприколка со кавадаречки регистарски ознаки, управувано од Б.Т.(50) од Кавадарци и трактор со приклучна земјоделска работна машина со битолски регистарски ознаки, управуван од Б.Т.(71) од с.Новаци, Битолско.
Во несреќата со тешки телесни повреди се здобил возачот на тракторот констатирани во Клиничка Болница Битола.
Извршен бил увид од увидна екипа на СБР Битола.