Македонија
Над 50.000 мигранти летово минале низ Македонија

Над 50.000 мигранти, најмногу од Сирија летово ја минале Македонија, соопштуваат од Министерството за внатрешни работи.
Од донесувањето на Законот за азил и привремена заштита, односно од 19 јуни, издадени се потврди на вкупно 50.268 странски државјани, а во последните 24 часа потврди се издадени на 985 странски државјани.
Од нив 7789 се деца кои патувале со родителите, а 878 деца патувале сами, без родител.
Околу 40.895 лица дошле од Сирија, а останатите се од Авганистан, Ирак, Пакистан, Палестина, Сомалија, Бангладеж, Конго, Нигерија, Камерун, Еритерија, Етиопија.
Во последните 24 до Одделението за азил не се поднесени барања за признавање на право на азил, а од започнувањето на издавањето на потврдите, 19 јуни, до Одделението поднесени се 49 барања за признавање на право на азил врз основа на претходно издадена потврда.
Минатата недела Македонија привремено ја затвори јужната граница за мигрантите поради огромниот наплив од Грција. Илјадници мигранти чекаа меѓу македонската и грчката граница, а по тензичната ситуација беа пренесувани со возови и автобуси до Табановце. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожар во околината на Битола

Од Центарот за управување со кризи инфморираат дека во Битола гори големо стрниште а екипите на ТППЕ Битола се на лице место.
Огнот од стрништето се пренел и на трската и останатата вегетација покрај реката Црна поради што е видлив од далеку, соопшти Стојанче Ангелов.
Како што појасни гаснењето е отежнато поради калливиот терен покрај реката Црна.
„Нема опасност по населени места. ТППЕ Битола се обидува да го изгасне“, вели Ангелов.
Македонија
Телефонски броеви и информации за семејствата на пациентите кои се лекуваат во странство, објави Муцунски

Преку социјалните мрежи министерот за надворешни работи Тимчо Муцунски објави како што пишува, важни информации за семејствата на пациентите кои се лекуваат во странство.
„Сите семејства на пациентите кои имаат потреба од превоз, сместување или дополнителна поддршка можат да се обратат на 070-270-370. Трошоците за оваа намена се целосно покриени од Владата.
Нашите дипломатско-конзуларни претставништва се на располагање за секоја неопходна помош, а за итни прашања достапни се и дежурните телефонски броеви: 075/273-732 и 075/268-736“, информира Муцунски.
Македонија
Сашо Стошевски назначен за нов директор на општата болница Куманово

Сашо Стошевски, досегашниот директор на подрачната единица на Фондот за здравствено осигурување е назначен за нов директор на општа болница Куманово.
На функцијата директор на кумановската болница доаѓа откако вчера министерот за здравство Арбен Таравари го разреши Стефан Трајановски.
Стошевски е вработен во Фондот за здравствено осигурување во Куманово, каде лани беше назначен и за директор.