По повикот на Специјалната јавна обвинителка, Катица Јанева, седумте избрани обвинители да не дадат свечена изјава во Советот на јавни обвинители, Советот тврди дека Јанева побарал и таа да учествува на седницата и побарал официјална покана за тоа.

Членовите на Советот од претставници на медиуми дознале дека Јанева телефонски им се јавувала на избраните обвинители и ги убедувала да не доаѓаат на свечената седница. Постапката на Јанева ја оценуваат како притисок и истакнуваат дека обвинителите и Јанева се избрани да ја вршат надлежноста согласно законот, а не да водат политика.На седницата во средата на која наместо сите 14, Советот избра седум од предложените обвинители од тимот на Јанева, биле изнесени одредени податоци во врска со работата не неизбраните обвинители.Бил прочитан допис од Основното јавно обвинителство Скопје во врска со петте кандидати кои постапувале по предметите оформени во врска со неовластеното следење на комуникациите, а тоа се јавните обвинители Ленче Ристоска, Артан Ајро, Трајче Пеливанов, Дарко Јакимовски и Снежана Бундалевска. За предложениот јавен обвинител Гаврил Бубевски имало известување дека не постапувал по вакви предмети, бидејќи истиот се изземал од постапувањето поради конфликт на интереси кои произлегуваат од фактот што полномошникот на Зоран Заев, адвокатот Филип Медарски, е негов кум. За јавниот обвинител Лиле Стефановска од Основното јавно обвинителство за гонење организиран криминал и корупција, било наведено дека истата заедно со друг јавен обвинител постапувала во кривичниот предмет во јавноста познат како „Пуч“.„Веднаш по изборот на седумте јавни обвинители беше изнесено дека нивниот број е доволен, според обемот на работа кои го има Јавното Обвинителство за гонење кривични дела поврзани и кои произлегуваат од содржината на незаконското следење на комуникациите. Ваквата оцена беше прифатена од Советот и беше донесена Одлука за определување на број на јавните обвинители во тоа обвинителство согласно член 9 алинеа 8 од Законот за Советот на јавните обвинители на Република Македонија. Доколку обемот на работа би се зголемил Советот ќе донесе Одлука за проширување на бројот на јавните обвинители во тоа обвинителство. Ова значи дека јавниот обвинител Катица Јанева ќе го извести Советот за таквата состојба, по што ќе биде закажана седница и ќе се одлучува по нејзиното барање. За да бидеме појасни, овие состојби со јавните обвинители беа изнесени од Советот веднаш по завршувањето на деведесет ишестата седница на Советот. Досега никогаш не се случило јавен обвинител кој е избран да не присуствува и да не даде Свечена изјава“, соопштуваат од Советот. Советот на јавни обвинители ги повикува избраните јавни обвинители да присуствуваат на Свечената седница, а секое друго постапување Советот ќе го смета како непринципиелно и создавање на притисок./крај/мф/