Култура
Спроведена минатогодишната програма за култура
Во голем процент е спроведена минатогодишната програма за култура и покрај рецесијата, беше главниот заклучок на советот на Министерството за kултура
Како значајни реализирани проекти на Министерството за култура за минатата година, советодавното тело составено од министерката Елизабета Канческа – Милевска на денешната седница потенцира дека за првпат во програмата се најдоа крупни проекти и капитални инвестиции, чија цел според нив е решавање на долгогодишните проблеми на уметниците. Реализирани се голем број капитални објекти, инвестирано е во инфраструктурата, решен е работниот статус на голем број работници во културните установи.Според нив, добро е што буџетот е во континуиран пораст за околу 300 милиони денари во споредба со ситуацијата пред четири години. Реализиран е проектот „Превод на литературни дела на добитници на Нобелова награда за литература“, а следната година се очекува да се заокружат проектите „130 тома македонска книжевност на англиски јазик“.Претседателот на Советот, академик Цветан Грозданов, истакна дека добро е што се инвестира во инфраструктурата, како што се Спомен домот на Мајка Тереза и музејот на вода во Охрид со остварен приход од над два милиона денари. Грозданов смета дека добро е што наскоро ќе биде завршен Спомен домот на Тоше Проески, Музејскиот комплекс, објектот на Македонската борба за самостојност и Македонската филхармонија.„Ја чекаме изградбата на концертната сала на Македонската филхармонија која ќе ни донесе соодветни простории и акустика“ – рече Борјан Цанев претставник на филхармонијата во советот на министерството.Според филмскиот критичар Илинденка Петрушевска, добро е што издигнува филмскиот аматеризам на повисоко ниво„Аматерскиот филм беше избришан од ова министерство до 2006 година. Оваа гарнитура има чувство за тие млади луѓе“ – рече Петрушевска Советниците ги поздравија и активностите систематски археолошки истражувања на над 20 локалитети како и големиот број меѓународни активности и соработка со Унеско.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.
Култура
Распишани конкурсите за државните награди „11 Oктомври“ и „22 Ноември“
Денеска се распишани конкурсите за државните награди „11 Oктомври“ и „22 Ноември“ за 2024 година.
Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.
Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.
Конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.
Конкурсите се објавени и на веб–страницата на Министерството за култура на следните линкови:
Државна награда „11 Октомври“ – https://kultura.gov.mk/wp-content/uploads/2023/10/odluka-3.pdf
Државна награда „22 Ноември“ – https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/
Култура
Мајските оперски вечери немаат никакви примеси на економски ниту политички стремеж, организаторите го најавија 52-рото издание
Мајските вечери немаат никакви економски ниту политички стремеж, еден ваков уникатен собир ќе го обележи и Скопје и Македонија, соопштија организаторите на прес-конференција.
„Оваа манифестација датира од крајот на 60-тите години. Тогаш имало криза со публика, која не била изразена само во Скопје. Во првите години мајските оперски вечери се празни, но со текот на годините заинтересираноста расте“, изјавја организаторите.
Како што велат оттаму, ова е еден од најголемите фестивали во регионот и со квалитетна програма сите овие години.
„Оваа година ќе има екслузивна програма. Очекуваме одлични резултати“, додаваат оттаму.
Реномираниот македонски режисер Иван Поповски, со успешна кариера во Русија, ја поставува операта „Трубадур“ од Џузепе Верди, со чија премиера ќе се отворат 52. Мајски оперски вечери (МОВ) на 9 мај во Националната опера и балет (НОБ). Диригент ќе биде Енрико Довико (Италија), сценографијата ја работи реномираниот Миодраг Табачки од Србија, костимите Марија Пупучевска, а кореографијата Саша Евтимова.
Во рамките на 52. Мајски оперски вечери, во фоајето на Националната опера и балет, од 9 до 31 мај ќе биде поставена и изложбата „Оперска одисеја“ – наследството на Милка Ефтимова. Изложбата ќе ја сочинуваат донирани лични предмети од движно материјално и нематеријално културно наследство, класифицирани во категоријата лични предмети како и голем број награди, признанија, уметнички портрети и фотографии кои во детали ја прикажуваат нејзината богата музичка кариера.
„Оперска одисеја“ е резултат на институционалната соработка помеѓу Музејoт на македонската борба за самостојност и Националната опера и балет. Автор на изложбата е Василија Чали, соработник за визуелни уметности, дизајн и архитектура.