Македонија
Расте бројот на македонски лекари испратени на едукација во центри во Европа и светот

Само од почетокот на годинава се испратени над 340 здравствени работници од Македонија на едукација во реномирани медицински центри во Европа и светот.
За овој месец се одобрени едукации во странство на вкупно 90 здравствени работници, од кои досега се испратени 72 здравствени работници, во повеќе медицински центри во Европа и Соединетите Американски Држави, меѓу кои: Универзитетски медицински центар АКХ – Виена; медицински центар Роналд Реган – УКЛА, САД; Клиника Штутгарт; Универзитетски клинички центар Хамбург – Епендорф; клиника АТОС – Германија; Универзитетска болница Чапа Черепаша – Истанбул, Турција; Клинички центар Љубљана; болница Токуда – Софија, Бугарија; Центар за тренинг – Измир, Турција; Клинички центар Белград – Србија; болница Шафак – Истанбул, Турција.
До крајот на овој месец, дополнителни 18 здравствени работници ќе бидат испратени на едукација во медицински центри во Ново Место, Словенија и Истанбул, Турција.
Проектот за едукација на здравствениот кадар во странство овозможува стекнување нови знаења и вештини, како и совладување нови методи за лекување и третман на пациентите, со цел континуирано унапредување на квалитетот на здравствените услуги во Македонија. Oд почетокот на имплементација на проектот, досега на едукација во странство се испратени над 1400 здравствени работници. /крај/мф/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.