Македонија
Шилегов ги кажа прашањата за Ставрески, кој сведочи на затворена седница
Вицепремиерот и министер за финансии Зоран Ставрески побара од Анкетната комисија за понесување политичка одговорност за скандалот со прислушувањето да сведочи зад затворени врати, како и премиерот Никола Груевски пред два дена.
Пред почетокот на седницата претседателот на Комисијата, Петре Шилегов јавно ги прочита прашањата подготвени за вицепремиерот и се обиде да го премисли министерот да сведочи на отворена седница.„Го повикувам министерот за финансии Зоран Ставрески да не се крие од јавноста и да не бега од граѓаните и на денешната седница на Анкетната комисија за прислушувањето да го смени ставот таа да биде затворена, и да сведочи јавно”, рече претседателот на комисијата Петар Шилегов од СДСМ пред почетокот на сведочењето на вицепремиерот Ставрески. Шилегов јавно ги соопшти и кажа прашањата што ќе му бидат поставени на вицепремиерот:1. Дали е ваш гласот на аудио материјалите? 2. Дали некој од вашите разговори е неавтентичен и кој? 3. Дали во прислушуваните материјали ги препознавте гласовите на Никола Груевски, Гордана Јанкулоска, Миле Јанакиески и Сашо Мијалков?4. Во разговорите велите дека градоначалникот на Битола, Владимир Талевски е криминалец и наведувате конкретни причини за тоа? Зошто не инициравте кривична пријава против него? Тоа ве прави соучесник.5. Зошто станот на улица „Димче Мирчев“ го имате купено на име на ваш близок роднина, а не на ваше име? 6. Велите дека Груевски ги терал Пешевски и Јанакиески да направат нешто незаконски и да потпишат со Кинезите? Во таа прилика велите дека тој изгубил контакт со реалноста. Ги чувте и разговорите меѓу Груевски и Јанакиески за митото кое го бараа од Кинезите. Дали бевте информиран дека Груевски и Јанакиески бараат 16 милиони евра мито од нив?7. Јанкулоска ургирала за вас кај Зврлевски да ја отфрли кривичната пријава против вас. На кој начин им возвративте за ова кршење на законот?8. МВР набавувало 600.000 евра вреден мерцедес за Груевски кој морал да биде криен за да не го видат граѓаните и новинарите. Што ќе изјавите како министер за финансии поради фактот дека Груевски во разговор со Јанкулоска го избира победникот и пред тендерот да е готов, па во шифри и вели: ‘тоа на м”?9. На кого точно мислевте кога рековте: “Ние сме лудаци”?10. Дали се уште мислите дека трошиме за чоколади, а немаме леб да јадеме? Ова се прашањата кои СДСМ ги имал спремено за денешниот сведок. „Го повикувам уште еднаш Ставревски, да не бега од граѓаните. Ова се прашањата, во нив нема ништо тајно и затоа слободно може да дојде”, рече Шилегов. Тој рече дека добил потврда оти сведокот Ставрески ќе дојде, но седницата останала затворена по негово барање.Ставрески излезе пред новинарите, но не објасни зошто одлучил да сведочи тајно./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДУИ очекува над 20 пратеници: „Имаме повеќе од 30.000 гласови предност пред опозицијата“
Од 50 отсто изборјано гласачки ливчиња, имаме над 30.000 гласови разлика пред „Вреди“, изјави Шефот на Изборниот штаб на Европскиот фронт, Арбр Адеми.
„Речиси во сите општини сме во предност: Дебар 2:1, Струга повече од 2:1, Кичево 5:1, Врапчиште повеќе од 2:1. ВО предност сме и во Тетово, Гостивар, Куманово, Липково“, изјави Адеми.
Како што рече, се потврдува дека Европскиот фронт ќе стигне до над 20 пратеници.
Според резултатите објавени на страната на ДИК, од досега пребројаните гласови, Европскиот фронт на ДУИ освоил 90.151 или 16,59 отсто, додека Влен има 73.893 гласа или 13,60 проценти.
Македонија
(Видео) Левица: Имаше нерегуларности, бугарски воз, притисоци од сегашната власт и закани за отпуштање по изборите од опозицијата
Партијата Левица вечерва по затворањето на гласачите места обвини за низа нерегуларности за време на гласањето, но и покрај тоа очекува позитивен резултат од изборите. Портпаролот Амар Мециновиќ обвини за ситуации со бугарски воз, попречено гласање, притисоци од сегашната власт но и закани за отпуштања од работа по изборите од сегашната опозиција.
„Денеска видовме дека имаше многу недоследности и неправилности во текот на целиот ден. Лица што требаше да гласаат како болни и изнемоштени вчера не можеа да гласаат. Денеска имаше ситуации на бугарски возови, имаше ситуации во кои имаше изборен материјал до изборните места и имаше ситуации каде што гласањето беше попречено на моменти. Од друга страна во текот на денот забележавме и дека структури блиски до сегашната власт вршеа притисок на наши активисти и на наши истакнати членови, додека, од друга страна, и најголемата опозициска партија го вршеше овој притисок. Дури се одеше до таму да се заканува со отпуштања по изборите“, рече портпаролот Мециновиќ.
Тој потенцираше дека денес пратеници на ВМРО – ДПМНЕ еклатантно лажеле дека Левица повикува на бојкот.
„Левица веќе два дена повикуваше на одѕив. Медиумите блиски на ВМРО-ДПМНЕ констатираа дека Левица не излегла да гласа. Тоа е лага. Ние повикуваме на гласање. Ние сме најголем непријател на оваа власт која сега си заминува. Го поздравуваме одењето на власт и очекуваме позитивен резултат“, нагласи Мециновиќ.
Од нешто повеќе од половина обработени избирачи, според податоците на Државната изборна комисија, Левица добила 31.012 гласови или 6,44 отсто од досега пребројаните гласови.
Македонија
Првични резултати од ДИК: ВМРО-ДПМНЕ 36,98 отсто, СДСМ 12,51 отсто
Според досега пребројаните гласови, објавени на страната на Државната изборна комисија, ВМРО-ДПМНЕ има освоено 137.077 гласови, односно 36,98 отсто, наспроти СДСМ со 46.385 гласови или 12, 51 отсто.
Коалицијата „Европски фронт“ има 19,37 отсто, односно 71.786 гласа, а Влен 60.779 (16,40 отсто).
Левица, според податоците има 22,050 гласови (5,95 отсто), а ЗНАМ 16.109 (4,35 отсто).
Резултатите постојано се ажурираат на веб страната на ДИК.