Македонија
Чавков: Бројот на мигранти нема да се намали во догледно време
Бројот на илегални мигранти кои би ја користеле таканаречената Балканска рута нема да се намали во догледно време. Дополнителен проблем претставува фактот што ЕУ се уште нема усвоено заедничко решение за справување со кризата, рече Министерот за внатрешни работи, Митко Чавков на седницата во Собрание на којашто пратениците треба да гласаат за тоа дали да се продолжи кризната состојба на јужната граница на Македонија што беше прогласена по големиот прилив на мигранти од Грција.
Тој побара пратениците да продолжат важноста на Одлуката за прогласување на кризна состојба.„Во меѓувреме, нема ниту усогласен регионален пристап, а државите од регионот преземаат национални мерки без меѓусебна координација. Транзитот на мигрантите на тнр Западно-балканската рута е прекината на унгарско-српската граница, каде во моментов е запрена поголема маса на мигранти. Истата веќе се пренасочува кон Р. Хрватска, за која исто така нема сигурни информации на кој начин долгорочно ќе реагира на оваа појава. Иако Р. Србија во повеќе наврати истакнуваше дека нема да ги затвори своите граници за мигрантите, нема сигурни информации дека во блиска иднина нема да ја примени оваа мерка на македонско-српската граница, барем како привремено решение за справување со очекуваниот зголемен прилив на мигранти на нејзина територија. Р. Унгарија прогласи кризна состојба на дел од својата територија, а слични најави има и од Р. Хрватска. Во Р. Бугарија извесен период војската е ангажирана за зајакнат надзор на дел од државната граница, а за жал Р. Грција најверојатно ќе продолжи со организиран транспорт на мигранти од островите до македонско – грчката граница. Уште една околност која не смее да се занемари е дека со влошувањето на временските услови ќе се зголемат и потребите на мигрантите за соодветни услови за привремено сместување“, рече Чавков.Според него, бегалската криза освен хуманитарен аспект има и безбедносен аспект, а тоа се потенцијалните ризици од неможноста да се воспостави соодветна контрола на лицата кои транзитираат по веќе утврдените коридори.„Се соочуваме со исклучително комплексен проблем за кој досегашното искуство покажа дека ниту една земја нема доволен капацитет да го реши сама. Затоа уште од самиот почеток на кризата ние апелиравме да се најде глобално решение кое ќе биде согласно највисоките европски стандарди на солидарност и хуманост. За жал, такво решение сé уште нема. Секоја земја е оставена сама на себе да се обидува да се справи со проблeмите без соодветна координација на европско ниво. Фактичката состојба е дека нема посериозни инциденти или ризици по Република Македонија, а од друга страна пружена е помош на илјадници илегални мигранти кои се најдоа на оваа рута“, рече Чавков.Координаторот на пратеничката група на СДСМ, Горан Сугаревски, рече дека опозицијата ќе го поддржи предлогот, но опозицијата има забелешки околу должината на рокот, до кога ќе трае кризната состојба – 15-ти јуни 2016 година.Тој праша кој ќе донесе евентуален прекин на одлуката за кризната состојба со оглед на тоа дека за тоа време Собранието ќе се распушти бидејќи во април Македонија организира предвремени парламентарни избори. Тој ја критикуваше Владата за бруталниот однос кон мигрантите, за што Македонија добила критики од целиот свет.Според министерот за одбрана Зоран Јолевски, датумот бил одбран поради информациите на властите дека бројот на мигранти нема да се намали за кратко време.Според него, кризната состојба ќе биде прекината тогаш кога ќе има премин од околу 200-300 мигранти дневно, бројка со којашто ќе може да се справи македонската полиција./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.