Култура
Манаки држат темпо
Несмалени активности и динамика во понеделникот и вторникот на фестивалот Манаки во Битола
Во главната, натпреварувачка конкуренција ги проследивме филмовите “Сè ќе биде добро”, во данско-шведска копродукција, израелско-германскиот ”Ајами” и белгиско-француско-германскиот „Г-дин Никој”. Селекторот, со изброт на овие три филма евидентно ја имал предвид пред сè нивната визуелна, т.е. снимателска компонентна. Но добра слика не прави и добар филм. За среќа, во случајов се работи ако не за големи филмови, барем за инвентивни синеастички дела. Особено и визуелно и жанровско освежување беше “Г-дин Никој” кој иако предолг, успеа да го задржи вниманието на публиката. Тоа е чудна, интересно дизајнирана фантастика, правена како естетички експеримент и со необична наративна структура. Специјалните ефекти и снимателската работа на францускиот кинематографер Кристоф Бокарне се елементи на филмот кои и самите се доволни филмот да не се пропушти. Беспрекорната монтажа само го надополнува впечатокот од гледањето на филмот. А приказната колку едноставна толку е и компликувана. Дали, ако имаме можност, и што би промениле од сојот живот, враќајќи се назад во времето. Еден од омилените филмови на европските фестивали, филмот “Aјами”, лично, не би гоставил во конкуренција за награда на фестивалот во Битола.Според скромното мислење на вашиот новинар (иако сеуште не се прикажани сите филмови) главен конкурент за златната камера 300 годинава е кинематограферот Павел Костомаров, и филмот “Како го завршив ова лето” во режија на русинот Алексеј Попогребски. Тоа е камерна трилер/драма која се случува на Арктикот. Неверојатно е како режисерот со само двајца актери усеал да толку силен психолошки суспенс, за што секако огромна заслуга има и снимателот Костомаров. Последен од официјалната конкуренција, синоќа беше прикажан израелско/францускиот “Либан” кој веше имавме прилика да го видиме на скопскиот фестивал. Неколку интересни пропратни случувања ги одбележија изминатите два дена.Најпрвин, екипата на филмот “Трето полувреме”, по добивањето на средства од филмскиот фонд (1,5 милиони евра) го најави почетокот на снимањето на филмот за идното лето. Режисерот Дарко Митревски со видна возбуда и емоции пред новинарите зборуваше за плановите за снимање, откри неколку пикантерии од сценариото и прикажа краток документарен запис од разговорот со единствениот жив член на фудбалскиот тим Македонија од 1941 г. На пресот беа присутни и двајцата продуценти на филмот од Лос Анџелес. Покрај премиерата на Мајки, во Битола вчера се случија уште две македоснки премиери. Омнибус филмот од пет авторки но Балканот со наслов ,,Некои поинакви приказни“ во кој партиципира со своја сторија и нашата Марија Џиџева, и премиерата на документарниот филм ,,Духот на татко ми,, на режисрот Горан Тренчовски, посветен на починатиот македонски актер Ристо Шишков. За денеска во 18 часот е најавен концерт на филмска музика со Македонската филхармонија под наслов Слушајте филм, а во вечерните термини на програмата се филмовите ,,Жени без мажи,,(Австрија/Германија/Франција) и холандскиот ,,Ништо слично“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инспиративен настап на SIN PUSTINJE во Битола за Меѓународниот ден на џезот 2024
МКЦ-Битола по јубилеен 10-ти пат го одбележа Меѓународниот ден на џезот во Битола 2024. Во прекрасниот амбиент на кафе барот Порта Џез, Ахмед Буриќ, Дамир Имамовиќ, Тони Китановски и Иван Михајловиќ приредија несекојдневно музичко поетско доживување.
Во проектот станува збор за искуството и интерпретацијата на музиката и поезијата која ги сумира различните интереси и вештини на уметниците кои досега ги познававме од другите жанрови. На концертот Буриќ, Имамовиќ, Китановски и Михајловиќ изведоа дванаесеттина песни од нивниот прв албум, како и некои други делови кои на изведбата во живо му дадоа комплетна форма и магична атмосфера.
Овој концерт по десетти пат ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја ставаме на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.
Концертот се организира со финансиска поддршка на Министерството за култура и Општина Битола.
Култура
Вердиевата спектакуларна опера „Трубадур“ на 11 мај на „Мајските оперски вечери“
На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени.
Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова.
Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет.
Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст.
Култура
Изложба: „Четирите мајстори на модернизмот“
Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“
Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа.
Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков.
Изложбата ќе биде отворена до 20.04.2024 година.