Македонија
Спасовски: Можна е институционална злоупотреба за случајот со личните карти
Нема бегање од одговорност за случајот со фалсификуваните лични карти што го објави неделникот „Фокус“, случајот треба да се истражи до крај, без разлика дали некој со некого комуницирал, рече Министерот за внатрешни работи од редовите на СДСМ, Оливер Спасовски.
За сите прашања на новинарите во врска со истрагата Спасовски упати на одговори во Јавното обвинителство коешто ја води истрагата и не сакаше да даде никакви детали бидејќи според него, законски дејствијата коишто се преземале во текот на предистражната постапка биле тајни.Тој изрази сомнеж дека за овој случај можна е институционална злоупотреба. „Нема бегање од фактот дека се злоупотребени податоци на граѓаните. Само државни институции може да поседуваат вакви податоци, а тоа говори дека е можна институционална злоупотреба. Истрагата ќе покаже за што биле употребени личните карти“, рече Спасовски.Личните карти се издавани во периодот од 2009 до 2014 година, имињата и матичните броеви се точни, а според него, само државните институции поседуваат вакви податоци и можно е да е направена институционална злоупотреба.„Истрагата ќе покаже за што се употребени личните карти. Истрагата е комплексна и повеќеслојна. Имаме одредени сознанија, но не е во интерес на истрагата да се објавуваат детали од предистражната постапка“, рече Спасовски.Тој порача дека медиумската хајка заврши и најави дека ќе има професионални истраги за сите останати сознанија за злоупотреба на лични документи. „бегање од одговорност нема, нема да има исклучоци.За информациите објавени во медиумите дека Спасовски контактирал со лицата кои беа приведени за овој случај, Спасовски вели дека како политичар имал контакти со многу лица во Македонија, но тоа како што рече „не амнестира никој“.Обвинителството викендов соопшти дека била надена тајна работилница за изработка на лични карти, а МВР соопшти дека била најдена опрема за фалсификување на документи во акција поврзан со дрога.И во двете верзии има три осомничени лица, за кои според неделникот Фокус кој ја објави аферата, не е одреден притвор. /крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: Усеини уништува антифашистичко наследство додека СДС и ДПМНЕ молчат
Од локацијата кај познатата Бела куќа на ул. ,,Димитар Влахов” бр. 9 во Охрид, од каде бескруполозно беше тргната плочата од НОБ, Носителот на ИЕ5 и Генерален секретар на Левица, Јована Мојсоска истакна:
,,Овој културен објект беше уништен од страна на локалниот шериф, Нефи Усеини. Плочата на АСНОМ каде пишува за осудените антифашисти од страна на бугарскиот окупатор, беше тргната пред месец дена. Од градоначалникот Пецаков нема никаква реакција додека се уништува антифашистичкото наследство од страна на поранешниот функционер на ДУИ”.
Мојсоска се наврати кон 2019 година кога беа силни обвинувањата на ВМРО – ДПМНЕ кон Усеини. Според Мојсоска, наспроти тоа, се испоставува дека коалицијата ДПМНЕ – ДУИ сега е уште посилна, благодарение на заедничките бизнис – интереси.
,,Ќе потсетам дека во 2019 година, токму ВМРО-ДПМНЕ обвинуваше дека Усеини го тероризира Охрид. За жал, Охрид го губи својот автентичен изглед, иако за овој објект има Решение за уривање. Институциите молчат, молчи и Министерството за култура кое е раководено од социјал-демократите”, додава Мојсоска за криминалот на поединците и молкот на институциите.
Јована Мојсоска како Носителот на ИЕ5 и Генерален секретар на Левица, порачува:
,,Затоа на 8 мај, да заокружиме број 5, за да ставиме ред во безредието и закон во беззаконието!”
Македонија
ВМРО-ДПМНЕ: ДУИ се обидува да поткупува гласачи дури и во верски објекти, залудни сценарија, секако ќе одат во опозиција
ДУИ се обидува да поткупува гласачи дури и во верски објекти, залудни сценарија, секако ќе одат во опозиција, велат ВМРО-ДПМНЕ преку соопштение.
– Функционери на ДУИ се забележани дури и во места како Виница, Кочани, Берово, Делчево каде во верски објекти со полицајци се обидуваат да поткупуваат гласачи. Со ова се обидуваат да освојат голем резултат, мислејќи дека така ВМРО-ДПМНЕ ќе мора да седне со нив, но се лажат. ДУИ оди во опозиција и со тоа треба да се помират. Залудно е и полнењето кутии. Примерите кои се нотирани во Липково, не им помогнаа во првиот круг, нема ниту сега во вториот. Времето кога го купуваа гласот на народот завршува. Време е Македонија да ја вратиме на народот. Македонија повторно твоја, – додаваат од партијата.
Македонија
СДСМ: Глас ЗА СДСМ на 8 мај е глас за слобода, демократија и европска држава
Гласот ЗА СДСМ на 8 мај е глас за слобода, демократија и европска држава, за чување на темелите на државноста, демократските вредности, внатрешната кохезија, стабилни етнички односи, безбедна и европска иднина на Македонија, велат од СДСМ преку соопштение.
– СДСМ ја врати слободата, ја врати државата на вистинскиот пат. Директна потврда дека со СДСМ се почитуваат демократските и европските вредности е последниот извештај на „Репортери без граници“, според кој Македонија е на 36-тото место и најдобро позиционирана во регионот, по слободата на медиумите. Во 2016 година бевме на дното, рангирани на 118-то место. Тогаш слободно кажаниот збор се казнуваше, медиумите беа цензурирани, граѓаните беа манипулирани. Враќање на режимот на ДПМНЕ во најава, би значела сигурна блокада на Македонија и внатрешни етнички тензии, што би и нанело огромна штета на иднината на државата. Преголема моќ за десничарска партија како ДПМНЕ која воопшто не е променета, ќе претставува сериозна закана од враќање на заробена држава, поделби, уцени и закани. Затоа е важно граѓаните да излезат на 8 ми мај масовно и да гласаат, заедно со СДСМ да не дозволат враќање назад, – додаваат од партијата.