Македонија
Сончево и многу топло со температури до 38 степени
![](https://makfax.com.mk/wp-content/uploads/2016/11/index-6.jpg)
Времето во среда во Македонија ќе биде претежно сончево и многу топло за овој период од годината, со слан ветер од југоисточен правец, со максимални дневни температури во интервалот од 32 до 38 Целзиусови степени.
Утринските температури се движат од 11 Целзиусови степени во Берово, до 19 степени во Скопје, Штип и Гевгелија. Дневните ќе достигнат до 38 степени на југот од земјата, а во главниот град температурата ќе се искачи до 36-от Целзиусов степен.
Подрачјето на Македонија продолжува да биде под влијание на топла воздушна маса, која и натаму предизвикува невообичаено високи температури за септември.
Со тоа продолжува периодот на многу топло време за вој период од годината. Во попладневните часови се најавува зголемување на облачноста и услови за краткотраен пороен дожд и ретки грмежи, особено во западните планински предели.
Позначителна промена на временските прилики, со поголем пад на температурите, зголемување на облачноста и повремени локални дождови, се очекува од почетокот на следната седмица. /крај/ухмр
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Врнежи од слаб снег кај Маврово, Плетвар, Попова Шапка и Крушево, засега не преставуваат пречка за одвивање на сообраќајот
![](https://makfax.com.mk/wp-content/uploads/2017/01/pat_sneg.jpg)
Врнежи од снег со слаб интензитет се бележат во Маврово и на планинските превои Буково, Ѓавато и Плетвар, додека врнежи со среден интензитет се бележат на Попова Шапка и во Крушево, но во моментов не преставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Сообраќајот на државните патишта се одвива во зимски услови, по наместа влажни коловози, соопштија од АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Инцидент во Шутка: Градоначалникот Курто Дудуш навредувал скопски инспектор
![](https://makfax.com.mk/wp-content/uploads/2019/01/kurto-dudush.jpg)
Вчера околу 10.30 часот З.Г., инспектор во град Скопје, пријавил во СВР Скопје дека на ул.2бб во близина на дива депонија, при вршење на службени дејствија за вршење на надзор и подигање на мостри, дошле две лица и еден од нив (К.Д. -градоначалник на Шуто Оризари) почнал да ги навредува него и неговите колеги и да им се заканува и го попречувал земањето на мостри.
Се работи на расчистување на случајот.
Македонија
Гаши-Фрагнеш: Словенија ќе дава постојана отворена и силна поддршка на Македонија
![](https://makfax.com.mk/wp-content/uploads/2025/02/4-9.jpg)
Претседателот на Собранието, Африм Гаши, оствари средба со Анжеј Фрагнеш, специјален претставник на Република Словенија во Република Северна Македонија.
Претседателот Гаши ги нагласи одличните повеќедецениски билатерални односи меѓу двете држави и динамиката на средби на сите нивоа кои се најголема потврда за заемната желба за поблиско поврзување меѓу нашите две земји.
Во текот на средбата претседателот Гаши ги истакна заложбите на Словенија за прашањето на проширувањето да остане високо на агендата на ЕУ, како и поддршката што ја дава на нашата држава на патот кон ЕУ. Искуствата покажуваат дека процесот на проширување е единствената алатка за обезбедување просперитет, безбедност и стабилност на европскиот континент, и како таква треба да продолжи со уште поголем интензитет.
Фрагнеш му честита на претседателот Гаши за досегашната работа како претседател на Собранието и искажа подготвеност за натамошно интензивирање и продлабочување на комуникацијата и соработката на теми од заемен интерес.
Фрагнеш истакна дека од особено значење е процесот на отворање на преговарачките поглавја да отпочне што поскоро и земјата да се приклучи кон ЕУ, за што Словенија ќе дава постојана отворена и силна поддршка на Република Северна Македонија.
Соговорниците се осврнаа и на актуелните активности во Собранието, натамошното продлабочување на соработката меѓу двете држави на сите нивоа, со особен акцент на парламентарната дипломатија.