На територијата на Сирија војува таканаречен Балкански баталјон со околу 1.000 борци, тврди бугарскиот експерт за безбедност, Славчо Велков по акцијата во Македонија, во којашто беа уапсени девет лица, а по уште 27 се трага под сомнение дека поврзани со екстремистичката организација која војува во Сирија, Исламска држава.

Повикувајќи се информации од бугарските разузнавачки служби, тој тврди дека во тој баталјон нема Бугари, но предупредува дека Бугарија не е „ветена земја“, заштитена од терористички напади.Според него, акцијата во Македонија против Исламската држава покажала дека оваа организација одамна ги преминала регионите во коишто е активна и сега има приврзаници низ цела Европа, вклучувајќи го и Балканот.Идејата за „Исламска држава“ на Западен Балкан добива подобар прием, според Велков бидејќи на ова подрачја нема траен мир долги години и постојат цврсти заедници во коишто има многу луѓе кои ги прифаќаат радикалните ставови.Коментирајќи ја големата антитерористичка акција на македонската полиција, Велков напомнува дека во Македонија станува збор за следбеници на „Исламската држава“ и дека не е докажано дека тоа е структура на група.„Може да се претпостави дека тоа се вооружени екстремисти кои ја пропагираат идејата на Исламската држава“, изјави Велков за софиската телевизија БТВ.Според нeго, стратегијата на Исламската држава е да не се праќаат терористи коишто би изведувале акции, туку упатуваат порака :„кога ќе ја прифатите нашата идеологија, каде и да сте, вооружете се и нанесете удар“.Тој додаде дека приоритет на Исламската држава е заземање територии и формирање на првиот „калифат“.Македонскиот дневен весник Дневник, пак, објави дека меѓу уапсените лица во полициската акција Ќелија има и православен Македонец кој го примил исламот. Стефан С. бил веќе во Сирија и кога се вратил регрутирал нови борци. Сите уапсени и осомничени се македонски државјани од различна националност./крај/мф/