Забава
Со гала вечер против фрлањето храна
Со собирање непродадено овошје и зеленчук кое се користи при подготвувањето на гала вечерите, две жителки на германската престолнина Берлин сакаат да ја разбудат совеста кај Германците и да ги поттикна да не ја фрлаат храната.
Секој од гостите повикани на вегетаријанската вечера во Центарот за современа уметност во космополитската берлинска населба Креуцберг ќе дарува 10 до 15 евра во фондот за помош во храната. Мрежата на гости се шири преку усно известување или на интернет страницата http://dinnerexchangeberlin.wordpress.com/.
Оваа идеја галеристката 30-годишната Сандра Теитге и една година помладата новинарка Сара Мевес, ја преземале од Лондон со која се свртува вниманието на милионите тони храна кои секоја година завршуваат на отпадите на индустријализираните земји.
„Сакаме да ги поттикнеме луѓето покреативно да постапуваат со остатоците од храната во нивните фрижидери и порационално да ги трошат своите пари“, истакнува Мевес.
Сандра Теитге, којашто потекнува од поранешната комунистичката источна Германија, не заборава дека поедини прехранбени артикли во нејзиното детство бие вистинска реткост или недостапни и затоа не го трпи фрлањето на храната.
За оваа акција биле инспирирани од документарниот филм „Taste the waste“ (Пробајте ги отпадоците) кој покажува дека енормни количества храна завршуваат на отпадите.
Во филмот се тврди дека повеќе од половина од храната завршуваат во кантите за отпадоци. Неговиот автор Валентино Турн помогна да се основа интернет страницата foodsharing.de за размена на храна на луѓето кои ја имаат премногу со оние коишто знаат како да ја употребат.
Една неодамнешна студија покажа дека просечен Германец годишно фрла храна во вредност од 235 евра./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.